Said Mwema, Umuyobozi wa Police ya Tanzania .

Reporters sans frontières (RSF) ivuga ko uru ari urupfu rwa kabiri rw’umunyamakuru wiishwe mu gihe cy’amezi ane muri bimwe mu bihugu bya Afurika byiizeweho umutekano, ibi bikaba bizatuma abayobozi b’igihugu bakora amaperereza yihutirwa, yerekeranye n’iyiicwa rye. 
 
Issa Ngumba, wari ufite imyaka 45 y’amavuko, yavuye iwe ku mugoroba wo ku italiki ya 5 mutarama 2013, agiye gushaka imiti y’ibihingwa yakoreshaga mu kandi kazi ke k’ubuvuzi bw’indwara za gakondo. Ukubura kwe kwatumye ashakishwa cyane n’abapolisi ndetse n’abakorerabushake kugeza ubwo umurambo we ubonetse, nyuma y’iminsi itatu, mu ishyamba rya Kajuluheta. Uyu munyamakuru, wari ufite ibikomere bigaragara ko byari iby’amasasu ku kaboko, ashobora kuba yarishwe ku buryo bw’agashinyaguro, amanitswe. Nk’uko byatangajwe n’umukuru wa polisi yo mu karere, Frasser Kashai, “iyicwa ry’uyu munyamakuru ryerekana ko yishwe arwana n’abishi be. Polisi yatangaje ko yafashe imbunda ya masotera n’amasasu arindwi, ndetse na telefoni igendanwa by’abamwishe..
 
Ibinyamakuru byo mu karere byemeza ko mbere y’uko mugenzi wabo apfa, yari yatangaje mu kwezi kwa cumi na kumwe k’umwaka ushize, ko azicwa. Uyu munyamakuru yari aherutse kugirana imanza n’umworozi witwa Imani Paulo, kubera ko uyu mworozi yaregwaga gushimuta ibice by’umubiri w’umushumba we. Iyi nkuru, yashyizwe ahagaragara n’uyu munyamakuru, yaviriyemo Imani Paulo gushyikirizwa ubutabera, nyamara uyu ukekwaho ibi bikorwa by¨’agashinyaguro aracyakingiwe ikibaba mu karere ka Kakonko.
 
Mu kugira icyo bavuga ku rupfu rwa mugenzi wabo Issa Nguma, ihuriro ry’abanyamakuru bo muri Tanzaniya (TEF), ryatangarije ikinyamakuru «The Citizen» ko byari bikwiye ko urupfu rwa mugenzi wabo rukwiye gutuma abanyamakuru bo mu karere bumva ko umutekano wabo ubangamiwe, ko rero byari bikwiye ko hashyirwaho ingamba zikomeye zo kurinda umutekano w’abanyamakuru.

Muri nzeli 2012, igihugu cya Tanzaniya, ku nshuro yacyo ya mbere, cyari cyatangaje ko kibabajwe n’urupfu rw’umunyamakuru Daudi Mwangosi, wari waje mu myigaragambyo ahitwa Nyolo, mu karere ka Iringa, ubwo yabaga umutangabuhamya ku ifatwa rya mugenzi we bari kumwe. Ubwo yabazaga abapolisi impamvu y’itabwa muri yombi rya mugenzi we, abapolisi bahise na we bamuta muri yombi, amaperereza akaba agikomeza.
 
Mu myaka ishize, Tanzaniya yari kimwe mu bihugu bya Afurika byaharaniye ubwisanzure bw’abanyamakuru. Ubwo mu mwaka wa 2011-2012, RSF yakoraga urutonde ku burenganzira bw’itangazamakuru,  igihugu cya Tanzaniya cyari ku mwanya wa 34 mu bihugu 179.

Amiel Nkuliza, Sweden.

Christphe Deloire , Umunyamabanga mukuru wa Reporters without Borders

Amiel Nkuliza, Sweden.

Hassan Ruvakuki

Ubwo uru rubanza rwasasaga, rwari rwitabwe n’abatagera ku icumi mu bareganwa na Hassan Ruvakuki. Ikirego cy’uyu munyamakuru, wari warakatiwe guherayo muri kamena uyu mwaka, umucamanza ntiyigeze agira icyo akivugaho.

Umuryango urengera ubwisanzure bw’itangazamakuru ku isi (Reporters sans frontières) uvuga ko «mu rubanza rubanziriza uru, umucamanza wabonaga ko afite ubushake bwo kwihutisha urubanza. Bitandukanye n’uko bimeze ubu, aho umuntu abona ko noneho rurimo kudindira».

«Ugereranije n’uko byari byagenze i Cankuzo, abacamanza bari bagerageje gutega amatwi uko abaregwa bireguraga, ndetse n’ababunganira bakaba barashoboye kwisobanura ku buryo buhagije. Nyamara icyemezo cy’isubikwa ry’urubanza rwa mugenzi wacu ufunzwe arengana mu gihe kirenze amezi icumi, gitumye na none yongera gutegereza ikindi gihe cy’ubusa».

Patrick Nduwimana, uyobora Radio Bonesha FM, wakoreshaga Hassan Ruvakuki, yahise yerekana ko ashavujwe n’iki cyemezo. «Twari twiteguye ko urubanza ruziihuta. Kubera iki tugomba na none gutegereza no kugaruka mu cyumweru gitaha?». Naho Alexandre Niyungeko, uyobora ishyirahamwe ry’abanyamakuru bo mu Burundi, yagize, ati: «Ibi bisobanura ko uru rubanza rugiye kuzamara ikindi gihe rutaburanishijwe».

Hassan Ruvakuki, utarashoboye kumenya neza niba iyimurwa ry’urubanza rwe ryari inkuru mbi cyangwa nziza, mbere yo gusohoka mu rukiko, yabwiye uhagarariye «Reporters sans frontières» mu Burundi, ati : «Bizatungana, mwakoze, nisubiriye iwanje mu ibohero ry’i Muramvya».

Abantu benda kungana na 300 bari bitabiriye uru rubanza, barimo abahagarariye ibihugu byabo mu Burundi, umuryango uharanira uburenganzira bw’ikiremwamuntu (Human Rights Watch), ndetse na «Reporters sans frontières». Abahagarariye ibinyamakuru n’amaradiyo akorera mu Burundi, na bo bari bitabiriye uru rubanza. Ibi bitangazamakuru ni nka Bonesha FM, Radio Publique Africaine (RPA), Iwacu, Net Press, n’ibindi.

Jean-Claude Kavumbagu, umuyobozi wa Net Press, wari umaze igihe afungiwe muri gereza mu Burundi, kubera icyaha kimeze nk’icya mugenzi we Hassan Ruvakuki, na we yari mu baje kumushyigikira.

Amiel Nkuliza, Sweden.

Daniel Bekele, Umuyobozi wa Human rights Watch ushinzwe Afurika .

Ku wa 4 ukwakira 2011, abagize umutwe wa Maï Maï Yakutumba, ugizwe cyane cyane nabo mu bwoko bwAbabembe, basakije imodoka yumuryango utegamiye kuri Leta witwa Eben Ezer Ministry International mu karere ka Kalungwe, hafi yumugi wa Fizi. Aba Maï Maï batandukanije abari muri iyo modoka bashingiye ku bwoko bwabo, hanyuma bica abo mu bwoko bwabanyamulenge.

Bwana Daniel Bekele, ushinzwe akarere ka Afurika muri Human Rights Watch avuga ko «umwaka ushize aba ba Maï Maï bishe aba bakozi kubera ko gusa bari mu bwoko bundi, imiryango yabo ikaba igitegereje ko aba bicanyi bashyikirizwa inkiko».

Bwana Bekele akomeza avuga ko guverinoma ya Kongo ntacyo yakoze kugirango abishe abo bantu bafatwe, akongeraho ko ubundi bwicanyi bukomeje muri Kivu yamajyepfo.
Kubera ubu bwicanyi, umuryango Human Rights Watch wabajije abantu barindwi barokotse ubu bwicanyi nabandi batangabuhamya, abaharanizi buburenganzira bwikiremwamuntu bakorera muri Kongo, abayobozi bo mu nzego zishinzwe inkiko, nabandi.

Human Rights Watch ivuga ko ababajijwe bose bemeje ko abanyamulenge barindwi bishwe bazize gusa ubwoko bwabo.

Abatangabuhamya batangarije Human Rights Watch ko aba Maï Maï bahagaritse imodoka abishwe barimo kubera ko yari ifite icyapa cyerekanaga ko yari iyumuryango wa Eben Ezer.

Umwe mu batangabuhamya ba Human Rights Watch yatangaje ko yumvise abamayimayi bavuga ko  «bategereje imodoka yijipi yumweru. Ibi byasobanuraga ko bari bategereje abanyamulenge. Mbere yuko bahagarika iyi modoka, numvise umwe muri bo avuga ngo : tugiye kubatega umutego».

Abarokotse ubu bwicanyi berekanye ukuntu aba bicanyi bari bameze ubwo bari basatiriye iyo modoka i Kalungwe. Ubwo umushoferi wayo yashakaga gusubira inyuma, umwe mu bicanyi yayitanze inyuma, ayibuza guhita. Abamayimayi bahise barasa ku modoka, bahita bica umushoferi.

Umwe mu barokotse ubwo bwicanyi yatangarije Human Rights Watch ko aba bicanyi barobanuye abari muri iyo modoka, babacamo ibice hakurikijwe uko basa : abari bameze nkabanyamulenge nabandi. Abamayimayi bahise bajyana abanyamulenge batanu ku murenge waho hafi, bicamo batatu muri bo, abandi babiri ni bo barokotse ayo masasu. Aba Maï Maï bahise bakurikira abandi banyamulenge bigenderaga mu muhanda ahongaho hafi yiyo modoka, bicwamo babiri, bicishijwe imihoro. Uwa kane yashoboye kwihisha hafi aho mu gihuru. Amazina yabishwe ni Eraste Rwatangabo, Tite Kandoti, Edmond Gifota, umushoferi Fidèle Musore, Gisèle Nabisage, Pasteur Amédée Ngeremo na Gitandu Muhoza. Daniel Bekele avuga ko « aba Maï Maï batoranije abo bicanyi babaziza gusa ubwoko bwabo».

Nyuma yiki gitero, abayobozi bakuru ba gisirikare bo mu karere na ba guverinoma ya Kongo, bemeje ko aba bicanyi bagomba gufatwa, bakanaburanishwa. Abayobozi ba gisirikare batangaje ko batangije amaperereza, nyamara nta numwe urafatwa.

Aba bayobozi banatangarije Human Rights Watch ko badashobora gufata abantu bitwaje ibirwanisho bihishe mu mashyamba. Abaturage nabaharanizi buburenganzira bwikiremwamuntu batangarije Human Rights Watch ko nta mutegetsi numwe wo muri Leta ya Kongo cyangwa abashinzwe ubutabera bigeze bajya i Kalungwe gukora amaperereza yubwicanyi bwahabereye.

Human Rights Watch ivuga ko nubwo muri aka karere hakunze kubera ibindi bibazo byo guhohotera uburenganzira bwikiremwamuntu, igitero cyo ku wa 4 ukwakira 2011 cyagaragaye neza ko cyari kibasiye abantu kubera ubwoko bwabo gusa. Ubushyamirane hagati yamoko yo muri Kongo yafashe intera ndende kubera iki gitero cyo ku wa 4 ukwakira 2011.

Umuryango Human Rights Watch wakusanije amakuru yerekeranye nuko abantu benshi baturuka mu moko atandukanye, bishwe nyuma gato.  Ubundi bushyamirane bushingiye ku bibazo byamoko bwakomeje muri 2012.

Muri uyu mwaka nyine wa 2012, guverinoma ya Kongo ningabo ziki gihugu zakusanirije hamwe imbaraga mu kurwanya umutwe winyeshyamba wa M23 ubu urimo gushoza intambara muri Kivu yamajyaruguru. Amahanga na yo muri iki gihe akaba ahangayikishijwe nibirimo kubera muri ako karere.

Bwana Daniel Bekele avuga ko « guverinoma ya Kongo yagombye gufata abakoze ibyaha nka biriya, bakanashyikirizwa ubutabera».
Amiel Nkuliza, Sweden.

Perezida Nkurunziza akomeje kwibasira Abanyamakuru .

Umuryango uharanira ubwisanzure bw’itangazamakuru ku isi (Reporters sans frontières), wababajwe kandi wamagana ifatwa n’ifungwa ry’uyu munyamakuru, wari unahagarariye Radio mpuzamahanga y’Ubufaransa (RFI) mu Burundi, mu gisata cy’igiswahili. 

«Uwo ari we wese wavukijwe ubutabera n’ubwigenge bwe, azi neza ko nta mpamvu yo kugira icyo umuntu yibuka, cyaba isabukuru cyangwa ikindi kintu mu gihugu cy’Uburundi. Hassan Ruvakuki yakatiwe igifungo gikomeye mu gihe atigeze anahabwa ubutabera ku cyaha kitagira ibimenyetso. Nta kindi Hassan Ruvaguki afungiwe, uretse gukora akazi ke kajyanye n’umwuga we w’umumenyeshamakuru».

«Turasaba abazaba bahagarariye ibihugu byabo mu mihango yo kwikukira k’Uburundi, kwibutsa ubutegetsi bw’iki gihugu ikibazo cy’ifungwa rya Hassan Ruvakuki. Uguceceka kuri iri fungwa kwaba ahubwo ari ko kumuhamya icyaha. Uburundi buri mu bihugu bidatinya kujugunya abanyamakuru mu mabohero, akenshi bakanakatirwa igifungo cyo guherayo».
Hassan Ruvakuki, ukurikiranyweho icyaha cy’iterabwoba, yakatiwe ku wa 20 kamena 2012 umunyururu wo guherayo.

Undi munyamakuru uhagarariye Radio Publique Africaine (RPA) mu Bubanza, Eloge Niyonzima, yahohotewe by’intangarugero n’urubyiruko rw’ishyaka riri ku butegetsi mu Burundi (CNDD-FDD), mu ijoro ryo ku wa 26 rishyira uwa 27 kamena uyu mwaka. Eric Manirakiza, umuyobozi wa RPA, yatangaje ko abasore bagera ku icumi bakubise amahiri uyu munyamakuru, bamukomeretsa bikomeye mu mutwe no mu mugongo.

Amiel Nkuliza, Sweden.

Perezida Nkurunziza .

Hassan Ruvakuki, wakoreraga Radio yigenga yo mu Burundi «Bonesha Fm», akaba yari anahagarariye Radio mpuzamahanga y’Ubufaransa muri icyo gihugu (RFI) mu gisata cy’igiswahili, yageretsweho ibyaha biteye isoni, by’uko ngo yari mu mutwe w’abakora ibikorwa by’iterabwoba mu Burundi.

Umuryango uharanira ubwisanzure bw’itangazamakuru ku isi (Reporters sans frontières) ndetse na RFI, ntibishimiye igihano cyahawe uyu munyamakuru.

«Twaguye mu gahundwe tukimara kumva iri katirwa rya mugenzi wacu. Uretse n’uko iri katirwa ririmo akarengane gakabije, rinatesha agaciro ubutabera bw’Uburundi n’igihugu cyose muri rusange. Ibi kubera ko ikirego cyarezwe uyu munyamakuru, nta reme gifite. Hassan Ruvakuki nta cyaha yakoze, uretse gukora umwuga we w’umumenyeshamakuru. Iri katirwa ry’uyu munsi ni akamaramaza ku burenganzira bw’itangazamakuru n’ubutabera bwo mu gihugu cy’Uburundi».

Uwunganira Hassan Ruvakuki, wakomeje kugaragariza urukiko ko uyu mumenyeshamakuru arengana, yatangaje ko agiye kujuririra iki cyemezo cy’urukiko.

Amiel Nkuliza, Sweden.

Perezida Kabila .

N’ubwo na none umushinjacyaha w’urukiko rwa gisirikare, Charles Kibenga, yatanze uburenganzira bwo gusubiza ibikoresho bya Radio Liberté, iyi radiyo iracyafite ibindi bibazo byatewe n’umuyobozi wa Butembo, Theodore Sikuli Uvasaka, wasabye ko yahagarikwa by’agateganyo mu gihe cy’amezi atatu.

Theodore Sikuli Uvasaka yatangarije Ishyirahamwe rirengera ubwisanzure bw’itangazamakuru ku isi (Reporters sans frontières) muri aya magambo : “Turi mu biganiro hagati y’abarebwa n’iki kibazo ndetse n’abanyamakuru, ibiganiro byerekeranye n’ihagarikwa ry’agateganyo ry’ibiganiro by’iyi radiyo”.

Ku ruhande rwayo, ”Reporters sans frontières” iragira, iti “Twishimiye ihabwagaciro ry’umwuga w’itangazamakuru, ariko Kashigwe Binjamin aracyafungishijwe ijisho. Ntacyo na none twavuga ku byerekeranye n’amaherezo ya Radio Liberté igikomeje gufungwa mu gihe cy’amezi atatu. Aho kwihutira guhagarika radiyo no gufata abanyamakuru, abayobozi ba politiki n’aba gisirikare ba Butembo bagombye ahubwo gushyira mu bikorwa ibiganiro n’abanyamakuru kugirango haboneke igisubizo gihamye kuri iki kibazo gikomeye kijyanye n’ubwisanzure bw’itangazamakuru, mu karere gakeneye mu by’ukuri iterambere ry’itangazamakuru”.

Ku wa 13 gicurasi 2012, Radio Liberté yahagaritswe ku itegeko ry’umuyobozi wa Butembo wayiregaga gutangaza amakuru ajyanye no guca intege ingabo za Kongo. Muri icyo gihe kandi, ni bwo umunyamakuru Kashigwe Benjamin yahise afatirwa iwe mu rugo kubera ibiganiro yari yagiranye mu cyumweru cyari gishize n’abayobozi b’ingabo zigometse ku butegetsi, icyo gihe zatangazaga ko zongeye gushoza imirwano.

Ikurwaho ry’ikurikiranwa ku banyamakuru babiri ba ”Kisangani News”

”Reporters sans frontières” yanishimiye irekurwa ry’abanyamakuruSébastien Mulamba na Mbuyi Mukadi, bakorera ”Kisangani News”, ku wa 23 gicurasi uyu mwaka. Aba banyamakuru bombi, bari bakurikiranyweho icyaha cyo gusebanya, bari bamaze iminsi cumi n’itanu bafungiwe muri gereza nkuru ya Kisangani.

Umushingamateka Alphonse Awenze, wavugwaga mu nkuru yatumye aba banyamakuru bafatwa, yaje kwiyemeza guhagarika ikirego cye, amaze kumvikana n’aba banyamakuru.

Kuri ibi, ”Reporters sans frontières” igira, iti: “n’ubwo twishimiye ko aba banyamakuru bombi barekuwe, turanibutsa ko batagombaga no kumara umunsi umwe muri gereza. Turasaba kandi abayobozi kudashyiraho ibihano byiswe ibyo gusebanya ku banyamakuru”.

Amiel Nkuliza, Sweden.

Perezida Nkurunziza , umunyagitugu nyawe .

Ubwo yicwaga mu mwaka wa 2009, Ernest Manirumva yarimo gukora amaperereza ku madodiye menshi yari agendanye n’ibikorwa bya ruswa byavugwaga mu gipolisi cy’Uburundi, n’igurishwa ry’intwaro ridakurikije amategeko. Abaharanizi b’uburenganzira bw’ikiremwamuntu n’abanyamakuru, bakorera mu bibazo bikomeye, rimwe na rimwe bakaba banahura n’ihohoterwa ritewe n’akazi bakora.

Uwitwa Hassan Shire Sheikh, uyobora umushinga w’abaharanizi b’uburenganzira bw’ikiremwamuntu mu Burundi no mu Ihembe rya Afurika, yatangaje ko «ubushinjacyaha bwirangagije nkana ibyo gukora amaperereza ku bayobozi bakuru b’Uburundi bakora mu nzego zishinzwe iperereza, aba bakaba bakekwa ko ari bo bagize uruhare mu iyicwa rya Ernest Manirumva».

Ku wa 22 gicurasi, urukiko rwisumbuye rw’i Bujumbura rwakatiye abantu 14 ibihano biremereye by’igifungo kubera iyicwa rya Ernest Manirumva. Imyanzuro y’urukiko yemeza ko abantu umunani baciriwe urubanza, banakatirwa gufungwa ubuzima bwabo bwose, ibi kubera icyaha cyo kwica Manirumva. Batatu kandi bakatiwe gufungwa imyaka 20 kubera ko na bo baregwa ko bari mu bagize uruhare rwo kwivugana Manirumva, hanyuma abandi batatu bakatirwa gufungwa imyaka itatu, abandi bakatirwa igifungo cy’imyaka icumi kubera icyaha cy’uko batitaye ku busugire bw’igihugu.

Nyuma y’uko bigaragaye ko muri uru rubanza habayemo itinzwa ryarwo ryafashe igihe cy’umwaka n’amezi icyenda, uru rubanza rwashashe kandi rurangiza imirimo yarwo mu minsi igera kuri itatu gusa; ni ukuvuga kuva ku wa 5 n’uwa 11 mata. Ubushinjacyaha ntibwanitayeho ibimenyetso n’imyanzuro byatanzwe muri raporo yashyizwe ahagaragara n’abashinzwe gukora anketi mu Burundi, aba bakaba baroherejwe muri icyo gihugu n’urwego rushinzwe gukora amaperereza rwo mu gihugu cya Leta Zunze Ubumwe za Amerika ((FBI). Leta Zunze Ubumwe za Amerika zafashije ku buryo bugaragara ikorwa ry’amaperereza, hifashishijwe komisiyo yo mu Burundi ishinzwe gukora amaperereza, na komisiyo yashyizweho n’abayobozi b’Uburundi.

Ernest Manirumva, wahoze yungirije umukuru w’ishyirahamwe rishinzwe kurwanya ruswa no kunyereza umutungo wa Leta, (OLUCOME) mu rurimi rw’igifaransa, iri shyirahamwe rikaba ritegamiye kuri Leta, umurambo we waje kuboneka imbere y’urugo rwe umeze nk’uwajombaguwe ibyuma, ku wa 9 mata 2009.

Uwitwa Erwin van der Borght, umuyobozi ushinzwe Afurika muri Amnesty International, yatangaje ko «kuva mu mwaka wa 2009, abayobozi b’Uburundi bataye mu gahundwe umuryango wa Ernest Manirumva, bataretse na sosiete civile, hakaba hibazwa niba hari igihe hazaboneka abari inyuma y’ubu bugizi bwa nabi..Urubanza rwashashe uyu munsi rukaba rudatanga icyizere k’ukuri, ahubwo rukaba rwimakaje abakekwaho ubu bugizi bwa nabi, bakomeje kwidegembya».

Guverinoma y’Uburundi yashyizeho akanama gashinzwe gukora amaperereza, kakaba kazanibanda kuri ubu bwicanyi, ndetse kakaba karemereye icyifuzo cy.urwego rushinzwe iperereza rw’abanyamerika (FBI) gukora amaperereza yarwo. Komosiyo ebyiri zabanjirije iya gatatu iriho ubu, zashyizwe mu majwi n’imiryango iharanira uburenganzira bw’ikiremwamuntu mu Burundi ndetse na sosiyete sivile yaho. Iyi miryango yombi yavugaga ko izi komisiyo zombi zitakoresheje ubwigenge buhagije mu maperereza ajyanye n’yicwa rya Ernest Manirumva. Komisiyo ya gatatu yo yigaragaje nk’idafite aho ibogamiye, ndetse yatanze icyizere kuri buri wese uhangayikishijwe n’urupfu rwa Manirumva kuzafata benshi no gushyikiriza inkiko abakekwa muri uru rupfu. Raporo ya FBI yashyikirije imyanzuro yayo guverinoma y’Uburundi, ndetse yizeza iyi guverinoma ko yiteguye gukora andi maperereza yisumbuyeho, no guhata ibibazo abavugwa muri ubu bwicanyi, ndetse no gufata ibimenyetso bya ADN kugirango hamenyekane neza abagize uruhare mu rupfu rw’uyu muharanizi wo kurwanya ruswa mu gihugu cy’Uburundi.

Uwitwa Pacifique Nininahazwe, ushinzwe ubuyobozi bukuru bw’akanama ko gushishikariza ibikorwa byo guharanira uburenganzira bw’ikiremwamuntu mu Burundi (FORSC) mu magambo y’igifaransa, yavuze ko «abahagarariye inzego z’ubutabera mu Burundi babangamiye uko bashoboye kose imyanzuro yatanzwe na FBI, ibi bikaba byarayiviriyemo ko nta n’umwe mu bashinzwe ubuyobozi bwa polisi cyangwa ubw’ingabo, wigeze ubazwa ubwo FBI yakoraga amaperereza yayo.

Urubanza rwatangiye gusasa muri nyakanga 2010 nyamara rwagiye rwigizwayo inshuro nyinshi. Ku wa 15 kamena 2011, ubushinjacyaha bwasabye ko iki gikorwa cy’ubwicanyi kuri Manirumva cyakorwaho amaperereza arambuye, nyamara ntibwigeze butangaza impamvu y’iki cyifuzo. Abunganira umuryango wa Manirumva ndetse na OLUCOME, basabye ko ayo maperereza yashyirwamo ababazwa, ababashinjura, hakagenzurwa numero z’amatelefoni yahamagawe cyanngwa yahamagaye icyo gihe, no gukoresha ibizamini bya ADN ku bavugwa muri raporo ya FBI.

Nyuma y’amezi agera kuri icyenda ubwo uru rubanza rwari rwongeye gusasa ku wa 30 z’ukwezi kwa gatatu 2012, urukiko rwateye utwatsi urwandiko rwa sosiyete sivile, ibi kubera ko ngo iburanishwa rindi ryari riri hafi kongera gutangira.

Uwitwa Mary Lawlor, umuyobozi w’icyitwa ”Front Line Defender” cyunganira abantu mu nkiko, yavuze ko abishi bamwe ba Manirumva bakomeje gukingirwa ikibaba kugirango badakorwaho amaperereza. Uyu mugore akomeza agira, ati «nyuma y’imyaka myinshi mu gushakisha abishe Ernest Manirumva, ibyavuye mu maperereza muri iki gihe biratanga icyizere kuri sosiyete sivile y’Uburundi».

Abunganira abakorewe icyaha banasabye urukiko ku wa 30 z’ukwezi kwa gatatu 2012, kwandika no kumvisha abari bitabiriye urubanza ubuhamya bw’umupolisi yatanzemo ibimenyetso. Gilbert Havyarimana, wahoze ari umupolisi yatangarije ”Radio publique africaine” mu kwezi kwa kabiri 2012, ko azi neza ibyerekeranye n’urupfu rwa Manirumva. Yanemeje ko bamwe mu bagize inzego z’iperereza bagize uruhare mu rupfu rwa Ernest Manirumva.

Abunganira umuryango wa Manirumva, bamaze guta icyizere cy’urukiko, batangaje ko batazasaba indishyi z’akababaro kubera ko urukiko rutigeze rugenzura impapuro zose rufite zerekeranye n’abatanze ubuhamya ku rupfu rwa Ernest Manirumva.

Gabriel Rufyiri, Perezida w’ishyirahamwe rishinzwe kurwanya ruswa n’inyerezwa ry’umutungo wa Leta, yatangaje ko «mu kwanga icyifuzo cy’imiryango itegamiye kuri Leta, urukiko rwaguye mu mutego wo kutigenga na gato». Yakomeje avuga ko byagombye kuba byiza ubutegetsi bugiye bugenzura aho ibimenyetso ibyo ari byo byose bishobora guturuka, n’ubwo bimwe na bimwe bishobora kubusharirira”.

Benshi mu baregwa bakomeje gufungirwa ubusa mu gihe kigera hafi y’amezi atatu. Urukiko ntirwigeze rwunguruza igifungo cyabo cy’agateganyo mu gihe cy’iminsi 30, nk’uko ingingo ya 75 y’itegeko rihana ibyaha, ibiteganya.

Icyemezo cy’urukiko cyatumye abikorera ku giti cyabo bababazwa n’ibi, ndetse bata icyizere cy’ubutabera bw’Uburundi. Iyicwa rya Ernest Manirumva ryagize ingaruka ikomeye ku baharanizi b’uburenganzira bw’ikiremwamuntu, ibi bikaba byaranatumye bashyiraho icyo bise ”Guharanira ko habaho ubutabera kuri Ernest Manirumva, wishwe muri 2009”. Uwitwa Souhayr Belhassen, umuyobozi w’Ishyirahamwe mpuzamahanga rishinzwe uburenganzira bw’ikiremwamuntu, yagize, ati ”abaharanizi b’uburenganzira bw’ikiremwamuntu bakomeje guhohoterwa bikomeye; abenshi muri bo bakaba baratewe ubwoba kubera akazi bakora mu gushakisha abishe Manirumva».

Naho abagize sosiyete sivile n’abanyamakuru bagerageje kwamagana ubwicanyi bwahitanye Ernest Manirumva n’ibangamira ryagaragaye mu maperereza y’abagenzacyaha, barahohotewe ku buryo bugaragara.

Pierre Claver Mbonimpa, uhagarariye Ishyirahamwe rishinzwe kurengera uburenganzira bw’ikiremwamuntu n’ubw’imfungwa (APRODH) mu rurimi rw’igifaransa, na Gabriel Rufyiri, uhagarariye OLUCOME, bamenyeshejwe mu kwezi kwa gatatu 2010 ko abakozi ba Leta bateganyaga kwica umwe muri bo, ubu bwicanyi bakabubatiza ko bwatewe n’impanuka y’imodoka. Mu ugushyingo 2009, Pacifique Nininahazwe, uyobora FORSC, yarihanangirijwe ubwo yamenyeshwaga ko hari agaco k’abashaka kumuhitana.

Ubwo abagize sosiyete sivile bageragezaga gukora urugendo rutari rwemewe n’ubutegetsi, urugendo rwari rugamije kwibuka umwaka wa kabiri Manirumva yishwe muri mata 2011, bamwe mu bari bagize urwo rugendo, Gabriel Rufyiri na Claver Irambona wo muri OLUCOME, bafashwe n’uwitwa David Nikiza, umwe mu bakuru ba polisi, uyu akaba anagize bamwe mu bashinzwe kurindira umutekano bamwe mu bavuzwe muri raporo ya FBI.

Claver Irambona na Prudence Bararunyeretse, uyu akaba na we ari mu bagize OLUCOME, bombi batangarije imiryango ishinzwe uburenganzira bw’ikiremwamuntu ko umutekano wabo wagezwe ku mashyi muri nyakanga 2011.

Naho Pierre Claver Mbonimpa na Gabriel Rufyiri bakomeje guhamagarwa n’inzego z’ubutabera mu mwaka wa 2011, akenshi bakaba barabazwaga ku byerekeranye n’idosiye ya Ernest Manirumva.

Abaharanizi b’uburenganzira bw’ikiremwamuntu n’abanyamakuru bo mu Burundi na bo bahamagawe kenshi n’inzego z’ubutungane, kubera akazi bakora. Naho abakurikirana ama dosiye arimo ibibazo bikomeye, na bo bakunze guhohoterwa hakoreshejwe za SMS n’abahamagaza numero za telefoni zitagaragara.

Gerald Staberock, umunyamabanga mukuru w’Ishyirahamw rishinzwe kurwanya iyicarubozo ku isi, yagize, ati «Abayobozi b’Uburundi bagomba gukora aho bwabaga, bagashyigikira abaharanizi b’uburenganzira bw’ikiremwamuntu, bakanarindwa imijugujugu y’ababahiga. Ubutegetsu bw’Uburundi ngo bunakwiye gutanga ubutabera ku bagize umuryango wa Ernest Manirumva na OLUCOME ubwayo».

Amiel Nkuliza, Sweden.