Perezida Kagame asigaye atanga ijambo ryuzuyemo ubuhanuzi bw'ibyago

Perezida Kagame ryaranzwe no gutera ubwoba ubwo yatunguraga abari aho asaba urubyiruko rw’u Rwanda kumujya inyuma kubera ibibazo ngo byugarije u Rwanda muri iki gihe, ko niba bitagenze bityo igihugu ngo gishobora kubashanyukana

Perezida Kagame yibukije urubyiruko rw’u Rwanda ibyago igihugu cyanyuzemo ubwo abaturanyi n’ababyeyi bicanaga ubwabo. Abashoboye gusesengura neza ijambo rya Kagame bakaba bemeza ko yashakaga gutanga ubutumwa ku banenga ubutegetsi bwe bo rubyiruko ubwo yabanengagako babujije igihugu amahwemo bakaba banabujije kugereza ku byiza , ko uwo ari we wese uzatinyuka kumurwanya, azamugira nk’uko abamubanjirije byabagendekeye ubwo bibasiraga imiryango y’abatutsi bazira ko bari ibyitso bya FPR mu gihe yateraga u Rwanda, irwanya ubutegetsi bw’igitugu bwa Perezida Habyarimana.

Muri iryo jambo, Perezida Kagame yanaburiye urubyiruko ruri hanze y’u Rwanda rukomeje ibikorwa byo gusenya igihugu cyarwo, ko rugomba kwirengera ibyo ruvuga n’ibyo rukora. Abasesengurira hafi ibyo Kagame yashaka kubwira uru rubyiruko, ni uko ngo rutagomba kwivanga mu bibazo bitarureba, ibibazo bijyanye n’uburenganzira bwe busesuye bwo gusahura umutungo kamere wa Kongo-Kinshasa.

Na none abasesengurira hafi ijambo rya Kagame yagejeje ku rubyiruko rwari ruteraniye kuri stade Amahoro, ni uko yarusabaga kumujya inyuma, rukitegura intambara yo kurwanya ingabo za Loni ziteganijwe koherezwa muri Kongo kurinda amahoro, ndetse no kurwanya iza Kongo ubwazo (FARDC), dore ko bamwe muri uru rubyiruko bamaze gutozwa gikomando kugirango bazitabire ibikorwa by’imirwano ishobora kuzabahanganisha n’ingabo za Loni zishinzwe kuzagarura amahoro muri Kongo. Iki gikorwa cyo gushora urubyiruko rumwe na rumwe mu mirwano, kikaba cyaratumye bamwe muri rwo bahungira mu bihugu bihana imbibi n’u Rwanda nka Uganda n’Uburundi, aho bahita bameneshwa n’abakozi ba ambasade y’u Rwanda muri ibyo bihugu baba bahungiyemo, kugirango batamenera ibanga imiryango mpuzamahanga, by’umwihariko Akanama ka Loni gashinzwe amahoro ku isi, u Rwanda ubu rubereye umunyamuryango.

Amiel Nkuliza, Sweden.

Minisitiri Musoni James akomeje gukwirakwiza ubumara bujamije gusenya ibikomerezwa bya FPR kugirango abe ariwe wenyine usigara avuga rikijyana arinakwo akoresha perezida Kagame nka kakuma bakoresha gucana televisiyo "Remote Control"

Nubwo abazi minisitiri Musoni James bamuziho ubuswa bukabije, bakaba barahaye Umuvugizi urugero rw’uko yigeze no gukorana raporo n’umuryango w’abibumbye ushinzwe ibikorwa by’amajyambere «UNDP« mu rurimi rw’icyongereza, raporo igaragazaga intege nkeya z’imikorere ya Leta ya Kagame, harimo no gukoresha nabi ingengo y’imari, nta bisobanuro byatanzwe by’uko ayo mafaranga y’abaterankunga hamwe n’imisoro y’abanyarwanda byakoreshejwe, icyo gihe raporo yari yasinyanye na UNDP ikaba yaragaragazaga ko ibiro bikuru bya perezida wa Republika na minisiteri y’ingabo bazaga ku isonga mu bakoresha ingengo y’imari nta bisobanuro bagaragaje.

Nyuma y’aho itangazamakuru ndetse n’abaterankunga batangiye kunenga guhuguza umutungo wa Leta ya Kagame, bashingiye kuri iyo raporo yari yakoranye na UNDP, minisitiri Musoni James yihutiye kuvuga ko yasinye iyo raporo atayisomye, anajya gushyiraho igitutu muri UNDP kugirango bongere basubire muri iyo raporo bari bakoze, mu gihe iyo raporo yari yanageze aho yagombaga kujya hatandukanye, ariko na none ubushakashatsi twakoze bukaba bwemeza ko minisitiri Musoni James ari umuswa mu bindi, ariko igitangaje kikaba ari uko atabuze ubwenge bwo gusenya ibikomerezwa bya FPR kugirango abe ari we usigara ari wenyine uvuga rikijyana .

Inyota yo kugera ku butegetsi no gukoresha perezida Kagame nka «remote control» yatangiye kugaragara cyane ubwo bamushingaga kuyobora ikigo gishinzwe imisoro n’amahôro, uyu mwanya akaba yarawukoresheje kugirango abone imbaraga zidasanzwe, akoresheje na none inzego z’ubutasi za Kagame aho icyo gihe uwahoze ayoboye urwego rw’iperereza muri polisi, urwego ruzwi ku izina rya «Special Intelligence», musanzire we Brig Gacinya Rugumya, akaba yaramuhaga amakuru agomba gutanga kwa perezida Kagame, bityo bituma yamamara ku buryo n’urwego rw’ubutasi rwa gisirikare (DMI) na rwo rwageze aho rukajya rumuha raporo mu buryo bwa rwihishwa kugirango na we ajye aha abagore babo imyanya cyangwa kubavugira kwa perezida Kagame, mu rwego rwo kwanga kwiteranya n’ikigirwamana Musoni James.

Umuvugizi ukaba warashoboye no kumenya ko, uretse urutonde rurerure umuntu atarandora ngo amareyo, urutonde rw’ibikomerezwa bya FPR byayigobotse mu ikubitiro mu nzira ndende yayo yo kugera ku butegetsi, icyo gihe Musoni James akaba yari yaratinye kujya ku rugamba kimwe n’abandi basore bo mu rungano rwe, na none mu minsi ishize Musoni James akaba ari we wagize uruhare runini mu kwirenza minisitiri Musoni Protazi ndetse na minisitiri Karugarama Tharcisse, abahimbiye ibyaha bitandukanye, na none akoresheje bamwe mu bagize inzego z’ubutasi n’abasirikare bakuru, ibyo bikaba byari muri ya gahunda ye yo gushaka uburyo azasigara ari we wenyine uvuga rikijyana.

Ukurikije uburyo umuvuduko Musoni James yatangiriyeho gusenya ibikomerezwa bya FPR kugeza magingo aya, bamwe mu bayoboke bakuru b’umuryango FPR Inkotanyi twavuganye, bagereranya Minisitiri Musoni James na minisitiri Amama Mbabazi wa Uganda, ku buryo ubu Musoni James nta kuntu atagize ngo ayobore inzego hafi ya zose z’igihugu, kuva ku murenge kugera ku ntara, abaminisitiri, abambasaderi, inzego z’ubutasi, insengero, itangazamakuru, Inteko ishinga amategeko, imitwe yombi, «Rwanda Revenue Authority», Polisi y’igihugu, Banki Nkuru y’Igihugu, ubushinjacyaha, ubucamanza hamwe n’abacuruzi yishe urw’agashinyaguro kubera ruswa, babaka bagomba gutanga ikintu kugirango bashobore kubona amasoko ya Leta cyangwa kugirango bigure, hato atazavaho akabateza Ikigo gishinzwe imisoro n’amahôro, kikazababarira imisoro y’umurengera.

Inyota ya Minisitiri Musoni James yo kuyobora inzego z’igihugu cyose, ibyo umuntu yakwita ”Negative Ambitions” mu magambo y’icyongereza, iteye inkeke, dore ko ubumara bwe bugiye koreka igihugu kubera kukimaraho abanyabwenge bakakigiriye akamaro, ku buryo abenshi bakuyemo akabo karenge, bamwe bakaba baragiye mu bucuruzi, kwihangira imirimo bakareka politiki, abandi bakaba baragiye mu bushakashatsi mu mitwe itandukanye ya Loni yo kurinda amahoro ku isi, cyangwa muri Banki nyafurika ishinzwe gutsura amajyambere (African Development Bank).

Gasasira, Sweden.
jbgasa@gmail.com

Ambasaderi Mugambage Frank na bagenzibe bimuriye irimbi rya Kami muri Uganda

Icyo gikorwa kibisha cyakozwe n’ushinzwe ibikorwa bya gisirikare (military attache) muri ambasade y’u Rwanda muri Uganda, umwicanyi Lt Col Burabyo James, afatanyije n’uhagarariye Polisi y’u Rwanda muri ambasade y’u Rwanda muri Uganda, Superitendant Charles Kayihura, umwicanyi ruharwa udateze kuzibagirana mu mateka y’u Rwanda kubera ibikorwa by’ubwicanyi yagiye akora ubwo yari mu rwego rw’ubutasi rubarizwa muri Polisi y’u Rwanda (Special Intelligence) mu rurimi rw’icyongereza.

Bimwe mu bikomere bigize umubiriwe wese bigaragaza uburyo yakorewe iyica rubozo na maneko za Kagame zikoresha bamwe mubashinzwe umutekano muri Uganda

Bwaracyeye bamusaba kwemera ko yaceceka bakamusubiza mu Rwanda bujura, asize umuryango we yahunganye na wo muri Uganda, ari na bwo yaje kubangira, bafata icyemezo cyo kumufungira muri zimwe muri gereza zitemewe n’amategeko ambasade y’u Rwanda muri Uganda yahinduye irimbi rya Kami, aha hakaba hakorerwa ibikorwa byo kumena amaraso y’inzirakarengane.

Kugirango iki gikorwa cya bunyamaswa kigerweho, aba bicanyi bakoresheje bamwe mu bashinzwe umutekano muri Uganda bari baguriwe kugirango bakore ibyo bikorwa by’iyicwa rubozo. Ku ruhande rwayo, ambasade y’u Rwanda muri Uganda yaje kumwimurira muri gereza yijimye bamenagamo inkari gusa, hamwe n’amazi, bamutegeka kuryama aho hantu n’ingurube itarara. Bamubwiye ko azakomeza kuba muri ubwo buzima kugeza igihe azemerera abo bicanyi kumucisha ku mupaka adasakuje.

Nyuma yo kubangira ko atasiga umuryango we aho wahungiye muri Uganda, uyu mwana bamushyize ku igaburo ry’imigeri hamwe n’inkoni za buri munsi, ari na ko bamuhataga ibibazo bitandukanye bijyanye n’umuryango w’umwanditsi mukuru w’Umuvugizi, aho uherereye muri Uganda, hamwe n’abavandimwe baba bafite mu gisirikare hamwe no muri polisi y’igihugu.

Icyo gihe cyose abicanyi ba Kagame bicaga uwo mwana ungana n’ababo, yari afunzwe amapingo ku maboko no ku maguru, bakamurekura gusa uri uko agiye kwihagarika, akagaruka muri icyo cyumba babaga bamennyemo inkari n’amazi. Bakaba baragiye bamwimurira muri gereza nk’izo zigera kuri eshatu, bakoresheje imodoka za ambasade y’u Rwanda muri Uganda, aho buri gihe bamujyanaga bamuhambiriye umwenda mu maso, ari na ko aboshywe amapingo ku maguru n’amaboko .

Abicanyi ba Kagame batse impapuro z’inzira ibiro bishinzwe abinjira n’abasohoka muri Uganda, ntibazihabwa.

Kubera inyota yo kumena maraso, abicanyi ba Kagame ntibigeze banyurwa n’uburyo bishe urw’agashinyaguro uwo mwana, ari na bwo bakaga urwego rushinzwe abinjira n’abasohoka mu gihugu cya Uganda urwandiko rw’inzira kugirango basubize uwo muvandimwe w’umuyobozi w’Umuvugizi mu Rwanda, kugirango abe ari ho bamutsinda, nyuma yo kumubaza ibyo bari bakeneye byose bijyanye n’umuryango we.

Ku ikubitiro, Umuvugizi washoboye kumenya amakuru ko ambasade y’u Rwanda yafashe icyemezo cyo kwakira impapuro z’inzira uwo mwana, ari na ko byaje kugenda, dore ko yahise isaba umuyobozi w’abinjira n’abasohoka mu gihugu cya Uganda, Komiseri Namara Anthony, ibyangombwa by’inzira kugirango babikoreshe mu gushimutira mu Rwanda uwo muvandimwe w’umwanditsi mukuru w’Umuvugizi. Nyamara ibi ntibyabahiriye kuko Komiseri Namara yahise atera utwatsi icyifuzo cy’abicanyi ba Kagame, abereka ko amategeko yo muri Uganda atemera gusubiza impunzi zifite ibyangombwa by’ubuhunzi mu gihugu zaturutsemo, bityo ababwira ko inama ahubwo yabagira ari uko barekura uwo mwana, agasanga umuryango we aho wahungiye muri Uganda.

Nyuma yo kwimwa urwandiko rw’inzira rushimutira uwo mwana mu Rwanda, abicanyi ba Perezida Kagame bakorera muri ambasade y’u Rwanda muri Uganda, basanze nta yandi mahitamo bafite uretse gutegeka abashinzwe umutekano muri Uganda, bakoresheje mu kumwica urw’agashinyaguro, ko bamufungura mu gihome yari afungiyemo kirenze umusarani, akarekurwa, dore ko ambasade y’u Rwanda muri Uganda yari imaze gufatirwa mu cyuho kubera ukuntu yahakaniye inzego zishinzwe impunzi muri Uganda ko atari yo yari yamushimuse.

Bataramurekura kugirango ave muri uwo musarani bari bamufungiyemo, Lt Col Burabyo James na Superitendant Kayihura Charles, baje noneho baciye bugufi, basaba uwo muvandimwe w’umwanditsi mukuru w’Umuvugizi, ko yabafasha akajya kwiba impapuro z’inzira, ari zo ”Refugee Asylum Status”, impapuro z’abagize umuryango w’umwanditsi mukuru w’Umuvugizi; icyo gihe bamusezeranyaga ko naramuka abikoze bazamuha akayabo k’amafaranga atabarika, bakanamwohereza kwiga mu mahanga, ku mafaranga y’ubutegetsi bwa Perezida Kagame (bourse).

Ibikorwa nk’ibi bibisha, bikaba byarabaye iminsi itatu ikurikirana, dore ko uwo muvandimwe w’umwanditsi mukuru w’Umuvugizi yashimuswe ku itariki ya 26/5/2013, naho kuri 29/5/2013 Polisi y’aho batuye igafata umwe mu bo ambasade y’u Rwanda yari yaguririye, yurira urukuta kugirango ahe icyanzu bagenzi be bari bazanye guhutaza abagize umuryango wa Gasasira, abari hanze bakaba barakijijwe n’amaguru ariko uwo polisi yari yafashe akaba yarahise yigira nk’umusazi amaze kugezwa ku biro bya polisi, kugirango adasabwa kumena amabanga y’abari bamutumye no kugirango bibe impamvu z’inyoroshya cyaha kugirango bamurekure, bifashishije ko yari umasazi.

Ibi na byo bikaba byarabaye nyuma y’aho inzego z’ubutasi z’u Rwanda zakoresheje umwe mu bantu bari hafi n’umuryango w’Umuvugizi mu kubeshyera abavandimwe b’umwanditsi mukuru w’Umuvugizi, ko ari bo batanga amakuru ku nyandiko ziba zanditswe n’urubuga rw’Umuvugizi ku bintu bitandukanye muri Uganda na Kongo, iki kinyoma cyuzuye urwango kikaba cyari kigamijwe kugirango ambasade y’u Rwanda muri Uganda yishyire yizane mu bikorwa byuzuye kumena amaraso y’abagize umuryango w’umwanditsi mukuru w’Umuvugizi, nta nkomyi cyangwa kivugira.

Umuvugizi ukaba warashoboye kumenya ko icyo kinyoma cyari kigamije kumarisha abavandimwe ba Gasasira Jean Bosco aho bahungiye muri Uganda, cyabibwe n’umwe mu basirikare bakuru uri mu Rwanda tugikoraho iperereza, agicishije muri uwo muyoboro we akoresha mu bikorwa by’ubutasi, na we wahise ugaburira ubwo burozi umwe mu bashinzwe impunzi muri Uganda.

Maneko John Ngarambe apanga gushimuta umuvandimwe w’umwanditsi mukuru w’Umuvugizi, mu rwego rwo gusibanganya ibimenyetso by’uko yari yishwe urubozo.

Amakuru Umuvugizi ukura muri ambasade y’u Rwanda muri Uganda, yemeza ko nyuma y’aho urwego rw’abinjira n’abasohoka muri Uganda rwimye ambasade icyangombwa cyo gushimutira mu Rwanda umuvandimwe w’umwanditsi mukuru w’Umuvugizi wari wishwe urubozo, dore ko yari agifite ibikomere ku mubiri hose, byatumye John Ngarambe akoresha bamwe mu byitso bye babarizwa mu muryango w’umwanditsi mukuru w’Umuvugizi, bayobowe na «retired» SGT Maninga Frank, wahoze akorana n’urwego rw’ubutasi rwa gisirikare (DMI), mbere yuko ahungira mu Bwongereza, akaza kugarurwa n’inzego z’ubutasi za perezida Kagame kugirango amunge umuryango w’umwanditsi mukuru w’Umuvugizi, ibi bikaba byari mu rwego rwo kuwufataho ingwate kugirango Perezida Kagame azajye awica uruhongohongo nk’agaca kageze mu mishwi.

Ni muri urwo rwego, nyuma y’aho ambasade y’u Rwanda muri Uganda inaniriwe gushimuta uwo mwana imusubiza mu Rwanda mu buryo bujyanye n’amategeko, yasabye John Ngarambe ko yakoresha agatsiko kayobowe na SGT Maninga Frank kugirango abe ari ko gakora icyo gikorwa kigayitse cyo kwambukisha uwo mwana wari wishwe urw’agashinyaguro, bamucishije mu tuyira turi mu nkengero z’umupaka, tuzwi nka «panya», ibi bikaba byari bigamije ko ibikomere byari byuzuye ku mubiri we wose, ibikomere by’iyica rubozo, byakorewe uwo mwana, he kugira ubibona mu rwego rwo kumufataho bugwate nk’inzira yo kwihimura ku nyandiko zisohoka mu Umuvugizi, inyandiko zinenga ibikorwa by’ubwicanyi, ifungwa ridasobanutse, kumarira abanyapolitiki batavuga rumwe n’ubutegetsi muri gereza, hamwe n’ubusahuzi simusiga bukorwa na perezida Kagame n’agatsiko bafatanyije kuyogoza igihugu, harimo no gusahura umutungo kamere wa Kongo.

Nyuma yo kubona aya makuru yose ateye agahinda, yerekana uburyo ambasade y’u Rwanda yakaga ibyangombwa urwego rushinzwe abinjira n’abasohoka mu gihugu, igikorwa cyahamyaga ko ari ambasade yashimuse uwo muvandimwe w’umwanditsi mukuru w’Umuvugizi, ikanamukorera iryo yica rubozo, byatumye tuvugana na Komiseri ushinzwe «Immigration», Namara Anthony, tumushimira igikorwa cy’ubutabazi n’ubutwari igihugu cye cyakoze cyo gutesha agaciro abicanyi ba Perezida Kagame, bakorera muri ambasade y’u Rwanda muri Uganda, ubwo babimaga impapuro zo gushimuta umuvandimwe wa Gasasira Jean Bosco bari bakoreye iyica rubozo, «Immigration» ya Uganda ikaba yarashingiye ku mategeko mpuzamahanga arengera impunzi, amategeko avuga ko mu gihe umuntu yabonye ubuhungiro mu gihugu yahungiyemo, aba atemerewe gusubizwa mu gihugu yahunze.

Tukimara kumushimira kubera icyo gikorwa cy’ubutwari, urwego ayoboye rwari rwakoze cyo kwima ambasade y’u Rwanda impapuro yashakaga kugirango ishimute umuvandimwe w’umwanditsi mukuru w’Umuvugizi, yadusubije muri aya magambo : ”Yes, I remember rejecting their request of returning back that person of the names you have just mentioned. Is he in Rwanda or still in Uganda” ? Bisobanuye ngo : «Ndibuka ayo mazina y’umuvandimwe wawe umbwiye, banzaniye nkabyanga. Umuvandimwe wawe baba baramugejeje mu Rwanda cyangwa aracyari muri Uganda ?»

Mu kumusubiza ko akiri mu Rwanda, ko nyuma yuko ambasade imwimye ibyangombwa, yafashe icyemezo cyo gukoresha bamwe mu byitso byayo bibarizwa mu muryango w’umwanditsi mukuru w’Umuvugizi biyobowe na Sgt Maninga Frank kugirango bayifashe gushimutira mu Rwanda uwo mwana wabonye ubuhungiro muri Uganda.

Acyumva ibi, Komiseri Namara Anthony yasubizanyije akababaro n’uburakari, muri aya magambo : ”We are sorry of what happened to your relative. It’s not a policy of the Government of Uganda to torture and terrorise refugees. I wish people could respect our sovereignty and do not extend their barbaric activities in Uganda”.
Bisobanuye ngo : «Twababajwe n’ibyabaye ku muvandimwe wawe; ntabwo ari imikorere ya Leta ya Uganda yo kwica urubozo no gukorera impunzi ibikorwa by’iterabwoba. Nifuza ko abantu bakagombye kubaha ubusugire bw’igihugu cyacu, ntibakwirakwize ibikorwa byabo bya kinyamaswa n’ubwicanyi ndengakamere”.

Ubwanditsi bukuru bw’Umuvugizi.

Ingabo za RDF zimaze kwinjiza bamwe mu banyeshuri barangije umwaka wa gatandatu w'amashuri yisumbuye, barenga magana atatu, aba bakaba biteguye kujya mu myitozo idasanzwe ya gisirikare, bakazavamo abakomando ba kabuhariwe bazaba bagize igice cy’ingabo z’umutwe wa M23, kizajya gitabara izo nyeshyamba za Kagame aho zizaba zananiriwe kurwana ku rugamba.

Impamvu Leta ya Kagame irimo gukoresha ibitangazamakuru byayo mu gusebya Perezida Jakaya Kikwete ikaba ari uko ingabo za Tanzania ziri mu nzobere zagaragaje ku ikubitiro ubushake bwo kwitabira igikorwa cyo gufatanya n’Akanama ka Loni gashinzwe umutekano ku isi mu kugarura amahoro muri Kongo; izo ngabo zikaba zaramaze kugera mu birindiro byazo, zitegereje iz’ibindi bihugu, na byo byiyemeje gutanga ingabo zigize uwo mutwe w’Umuryango w’abibumbye.

Igitangaje muri ibyo byose, nkuko tubikesha bamwe muri za maneko za Kagame zibarizwa muri DMI nuko, nubwo Leta ya Kagame yakunze guhakana ko idashyigikiye inyeshyamba za M23, ikanavuga ko ishyigikiye ishyirwaho ry’ibikorwa by’umutwe wa gisirikare cya Loni cyiswe «UN Intervention Combat Brigade», kugeza magingo aya ingabo z’u Rwanda (RDF) zimaze kwinjiza bamwe mu banyeshuri barangije umwaka wa gatandatu w’amashuri yisumbuye, barenga magana atatu, aba bakaba biteguye kujya mu myitozo idasanzwe ya gisirikare, bakazavamo abakomando ba kabuhariwe bazaba bagize igice cy’ingabo z’umutwe wa M23, kizajya gitabara izo nyeshyamba za Kagame aho zizaba zananiriwe kurwana ku rugamba.

Ni muri urwo rwego kandi, nyuma y’aho ibizamini by’amashuri y’umwaka wa gatandatu bisohokeye, abanyeshuri barangije umwaka wa gatandatu bafite ababyeyi bazwi muri Leta cyangwa muri FPR, bashoboye kwizerwa bahabwa indangamanota zabo, naho abandi badafite ubazi bakaba barabimye izi ndangamanota kubera ko igisirikare cy’u Rwanda kitari kibizeye ko bazitabira iyi myitozo idasanzwe ya gisirikare, bityo bababwira ko bazabona indangamanota zabo nyuma yo kurangiza imyitozo ya gisirikare, izabera ahantu Umuvugizi uzabagezaho mu gihe kiri imbere.

Abo banyeshuri bazitabira iyo myitozo ya gisirikare idasanzwe bazanahabwa ibyangombwa by’abanyekongo n’amakarita y’igisirikare cy’inyeshyamba za M23, umutwe wabo w’abakomando ukazajya ugoboka inyeshyamba za M23 aho imirwano yananiriwe cyangwa aho ingabo za RDF zabuze aho zinyura mu kuza gutabara inyeshyamba za M23 zizaba zihanganye n’iza Loni ndetse n’iza Leta ya Kongo-Kinshasa (FARDC). Ibi bikaba biteganyijwe ko abo banyeshuri, igihe bazaba barimo batozwa, bazahabwa amasomo ajyanye n’uburyo bazajya bahangana n’umwanzi, n’uburyo bazajya bakwepana n’indege z’ubutasi za Loni zidafite abaderevu, zizwi ku izina rya «drones» mu rurimi rw’icyongereza.

Iyo myitozo ikaba iteganyijwe gutangira mu minsi ya vuba, dore ko RDF yarangije cyera kuzuza umubare w’abagomba kuzayitabira, igisigaye kikaba ari uko mu minsi ya vuba abo banyeshuri barangije umwaka wa gatandatu bazajyanwa aho bagomba kwitoreza, kugeza ubu hakigizwe ibanga rikomeye.

Bamwe muri aba banyeshuri, bamaze gutahura ko bazajyanwa muri iyo myitozo ya gisirikare, bakaba bazajyanwa kurwana nk’abacakara muri Kongo, barwana intambara zidasobanutse kandi zitabafitiye akamaro cyangwa zitanafitiye igihugu cyabo akamaro, uretse kuzakoreshwa nk’umuyoboro wa Kagame wo kwigwizaho no gusahura umutungo kamere wa Kongo, mu gihe bandikwaga na RDF bakaba barabwiwe ko bazajya mu ngando zari zisanzwe zikorwa n’abandi banyeshuri, mbere yuko binjira muri za kaminuza cyangwa mu yandi mashuri makuru.

Nyuma yaho abo banyeshuri b’abanyarwanda bamenyeye ko iyo myitozo idasanzwe bazajyanwamo mu minsi itaha igamije kubajyana mu bikorwa byo kumena amaraso y’abaturanyi b’abanyekongo, na bo ubwabo batiretse, byatumye bafata icyemezo cyo kwiyahura mu buhunzi mu bihugu bituranye n’u Rwanda, cyane cyane muri Uganda, no mu Burundi kugirango bakize ubuzima bwabo, dore ko iyo mirwano igamije gusa gufata igice kinini cya Kongo kugirango inzego z’ubutasi za Kagame zibigire umuyoboro wo kujya kumusahurira umutungo kamere wa Kongo kubera ubusambo bwamurenze bwo kutanyurwa na byinshi n’ubundi igihugu cyari gisanzwe kimugenera.

Gasasira, Sweden.

Biruta Vincent, Minisitiri w'uburezi yakagobye gukemura icyo kibazo amazi atararenga inkombe .

Nkuko tubikesha bamwe mu nshuti z’Umuvugizi zibarizwa mu gihugu cya Uganda, izi zemeza ko uyu munsi ari bwo abasore b’abanyarwanda bagera kuri 14 hamwe na bashiki babo 2 ari bwo bitanze mu nzego zishinzwe impunzi zo mu gihugu cya Uganda, basobanura impamvu nyamukuru yatumye bafata icyemezo cyo guhunga igihugu cyabo.

Bavuga ko impamvu nyirizina yatumye bafata icyemezo cyo guhunga igihugu cyabo aruko bari bamaze iminsi basiragizwa ku kigo gishinzwe ibizamini, ari na bwo nyuma yaho, uko bari cumi na batandatu, batangiye kubona telefoni zitagaragaza numero z’abantu bavugaga ko bashinzwe umutekano, izi telefoni zikaba zarabateraga ubwoba aho kugirango ba nyira zo babacyemurire ibibazo byabo, dore ko ibi bibazo bitari binahambaye cyane uretse kubaha inyandiko yerekanaga amanota babonye, ari yo «result slip» mu magambo y’icyongereza.

Iri hunga ry’aba basore n’inkumi rikaba ryaratumye abantu benshi bamenya ikibazo cyabo, banakibazaho byinshi, dore ko bari bamenyereye ko Leta ya Kagame yibasira gusa abanyamakuru n’abaharanira uburenganzira bw’ikiremwamuntu ndetse n’abatavuga rumwe na Leta ya Kagame, bakaba batatekerezaga ko akarengane nk’aka kashoboraga no kugera ku rubyiruko rw’u Rwanda, rushishikajwe gusa no kwibonera amanota y’ishuri kugirango rutegure ejo harwo hazaza.

Gasasira, Sweden.

Umwe mubicanyi ba Kagame yafatiwe kurukuta rw'inzu ya bamwe mu muryango w'umwanditsi mukuru w'umuvugizi batuyemo muri Uganda ,uwo wamfashwe yurira urwo rukuta akaba agikurikiranwa na polisi yo muri Uganda.

Inzego z’ubutasi za perezida Kagame zakoreye umuryangowa Gasasira ibikorwa by’iterabwoba n’iyicarubozo.

Ubwo uyu mwicanyi Evode Mudaheranwa yari akimara guhabwa amasaha 48 kugirango abeyavuye ku butaka bwa Suwede, perezida Kagame yahise aha amabwiriza inzego z’umutekano w’igihugu National Security Services ndetse n’urwego rw’ubutasi rwa police “Special Intelligence” kugirango zifate bamwe mu bavandimwe ba Gasasira Jean Bosco. Maneko za Kagame zahitse zifata barumunaba Gasasira zibakorera ibikorwa by’iterabwoba n’iyicarubozo.

Mu bikorwa by’ubugome ndenga kamere ,zabasanze mu rugo iwabo, zibahohotera imbereya mama wabo, zibavusha amaraso, umwe muri bo zimujyana muri gereza ya polisi ya Kabarondo, zimushyikiriza umwicanyi ruharwa witwa Chief Suprintendet Murangira Tom, uyu akaba ari we wahise atangira ibikorwa by’iyicarubozo kuri uyu murumuna wa Gasasira, hafi yo kumuca ukuboko, ari na bwo yamukururaga bimwe mu bice by’ubugabo bwe, muri uku kumushinyagurira Murangira akaba yaramwicaga urubozo amubwira ngo nahamagare mukuru we Gasasira,ukomeje kunenga perezida Kagame amutabare. Yaje kurekurwa ari indembe,ukuboko kwe kw’iburyo kutagikora, hafi gucika, ari na ko abo bicanyi baperezida Kagame, mbere yo kumurekura, bamubwiye ngo natahe, nabyara azaba ari umugabo.

Undi muvandimwe wa Gasasira yaje gushimutwa n’itsinda ry’abicanyi ba Kagame, bari batumwe n’undi mwicanyi ruharwa, CP Kalisa Faustin. Aba bicanyi, bari bagizwe na AIP Rwagisha Vianney na CPL Kataraiha Silus, bakaba barabanje kumutwara i Kami, ahobatangiriye kumukoreraho ibikorwa by’iyicarubozo, birimo kumutwikisha ipasiy’amakara mu mugongo, mbere y’uko bamuvuna urubavu rumwe no kumukomeretsa mu buryo bwa kinyamaswa.

Akivirirana ndetse afite ibisebe kuva mu mutwe kugera ku maguru no mu mugongo, ACP Kalisa Faustin yakuye murumuna wa Gasasira ahantu yari afungiye amezi agera arindwe muri gereza ari munsi y’ubutaka umuryangowe utarongera kumuca iryera. Ari nabwo CP Kalisa Faustin yamukuye muri iyo gereza ye yabigenewe yuzuye amaraso n’ikomere ku mubiriwe wose kubera iyica rubozo yari yakorewe bamushikiriza inama yari igizwe n’abiyita abanyacyubahiro, bafata ibyemezo bikomeye mu nzego nkuru z’Igihugu , ari bo Lt Gen Karenzi Karake Emmanuel, Brig Jack Nziza, minisitiri w’ubutegetsi bw’igihugu, Musoni James,n’umwicanyi ruharwa ACP Kalisa Faustin. Muri iyo nama yari igizwe n’abo banyacyubahiro bafite abana bangana na murumuna wa Gasasira wari wishwe urubozo azira gusa isano afitanye na Gasasira , bamuhagaritse imbere yabicanyi ba perezida Kagame arinakwo ajejeta amaraso imbere yabo banya cyubahiro batigeze bagira isoni cyangwa ngo bagirire imbabazi uwo mwana wari wakorewe yicwa rubozo azira amaherere ahubwo , minisitiri Musoni James atazuyaje yahise abwira murumuna wa Gasasira ko «nta yandi makiriro afite niba atavuze abantu bakoranana mukuru we mu kazi k’itangazamakuru». «Ni wowe murumana wa Gasasira? Uziuburyo mukuru wawe asohora buri gihe inkuru zitunenga hamwe na perezida nta makiriro ufite, ugomba kuryozwa inyandiko za mukuru wawe niba utatubwiye abakorana na we».

Kuruhande rwe, umwicanyi Brigadier Jack Nziza, we yahise ahamagara umupolisi mukuru witwa ACP Shema Charles, uyu akaba ari umuvandimwe wa Gasasira ,amubwira ko bafashe murumuna wa Gasasira kandiko bafite amabwiriza aturutse Ibukuru yo ugukorera iyica rubozo uyumwana, ibi bikaba byari mu rwego rwo kwihimura kuri mukuru we, kubera inyandiko asohora mu Umuvugizi zinenga ubutegetsi bwa Kagame .

Umuvugizi ukaba warashoboye kumenya ko icyo gikorwa kibisha cyo kwica urubozo no gushinyagurira uwo mwana, cyari kiyobowe na Lt Gen Karenzi Karake, umuyobozi w’urwego rw’ubutasi (NSS), wari wigize ntibindeba, dore ko nyuma y’aho uwo mwana ababwiriye ko ntaho ahuriye n’ibikorwa bijyanye n’umwuga wa mukuruwe, ko ndetse badaheruka kuvugana, Gen Karenzi Karake yategetse CP Kalisa Faustin kumusubiza muri gereza kugirango akomeze gukorerwe ibikorwa by’iyicarubozo. Uyu mwana yaje kurekurwa nyuma y’amezi arindwi ari indembe,dore ko yari afungiwe munsi y’ubutaka , aho maneko za Kagame zifite gereza yabigenewe aho zicira rubozo abo zishaka zisanzuye.

Undi murumuna wa Gasasira yahohotewe n’abagize inzego z’umutekano zo mu Rwanda,mbere y’uko yiyemeza kuzihungira muri Uganda. Nubwo yakekaga ko wenda ari ho azagirira agahenge, ntibyamuhiriye kuko yaje guhagarikwa n’abantu biyitaga abapolisi ubwo yajyaga muri Kongo, anyuze ku mupaka wa Bunagana. Afatwa agambaniwe n’umuntu wari hafi y’umuryango we, wahise arya akara inzego z’ubutasi za Kagame, zikamushumuriza inyeshyamba za M23, dore ko yaje kubimenya ubwo yahatwaga ibibazo n’abantu bambaye imyenda ya gisirikare kandi bavuga ikinyarwanda, aba bantu bakaba baramuregaga kuba icyitso cy’Umuvugizi, bityo afungirwa aho muri Kongo, ariko umwe mu bo bakoranaga yaje gufata amafaranga yagombaga kuranguramo ibintu muri Kongo, ayatangamo ruswa kugirango abo bicanyi ba Kagame abamukure mu nzara; yahise ahagarika akazi ke kugirango akize ubuzima bwe.

Inzego z’ubutasi za Kagame zakoreye ibikorwa by’iyicarubozo zinashimutabamwe mu bagize umuryango wa Gasasira aho wahungiye muri Uganda.

Tariki 29 z’ukwezi kwa cumi n’abiri 2012, umuryango wa Gasasira wari umaze guhunga u Rwanda kubera kubuzwa amahwemo n’inzego z’ubutasi za perezida Kagame, wajegutungurwa n’igikorwa cy’ubwicanyi ubwo imodoka, yagaragaraga nk’iy’abantu bashinzwe umutekano, yarenze umuhanda wa kaburimbo n’umuvuduko udasanzwe, iza isatira barumuna ba Gasasira babiri bari hafi y’aho batuye muri Uganda. Umwe muri barumuna be yashoboye kwirukanka akiza amagara ye, naho undi kubera igihunga n’ubwoba, yahise yikubita hasi, mbere y’uko iyo modoka isubiye inyuma igamije kurangiza ubuzima bwe. Yaje kumuvuna ukuguru, abaturanyi b’aho umuryango wa Gasasira wari utuye hamwe n’abavandimwe be, batabara uwo murumanawe, bamutwara mu bitaro bya ”Mulago Hospital”.

Akigerayo,icyaje gutungurana nuko maneko za Kagame zaje gukoresha bamwe mu byitso byazo bibarizwa muri Uganda, biza gutera ubwoba no guha amabwiriza abaganga bo muri ibyo bitaro bya Leta ya Uganda, ko murumana wa Gasasira, wari indembe n’ukugurukwe kumanitse hejuru, atagomba kuvurwa. Ni ko byaje kugenda kuko abaganga bamugeragaho bose bamuhaga umuti wo kumworohereza ububabare gusa, ariko bakanga kubaga ukuguru kwe kwari kwavunitse bikabije, bakamubwira ko ukutavurwa kwe kandi arembye cyane bibabaje, ariko ko bari bafite amabwiriza yo kutamuvura kubera impamvu za politiki.

N’agahinda kenshi, umwanditsi mukuru w’Umuvugizi yaje gutabaza bamwe mu bagize umuryango ushinzwe ibibazo by’impunzi muri Uganda (Inter aid), abaforomokazi bawo bazakujya kwinginga abaganga bo mu bitaro bya Mulago aho uwo mwana yari arwariye,babasaba ko yavurwa, nyamara aba baganga bararuca, bararumira.

Nyuma yuko bigaragaye ko abicanyi ba perezida Kagame bari bafite ibyitso mu nzego zitandukanye zo muri Uganda kugera no mu bitaro bikomeye bya Leta nka Mulago, kandiko bari bagamije kwica urubozo murumuna wa Gasasira, Umwanditsi mukuru w’umuvugizi yaje gutabaza minisitiri wa Uganda ushinzwe ububanyi n’amahanga, Hon Sam Kutesa, amubwira ukuntu umuryango we ukomeje gutotezwa no kwicwa urubozo no mu gihugu cya Uganda wahungiyemo, kugera n’aho murumuna we wahutajwe n’abicanyi ba Kagame ibitaro bya Mulago yari arwariyemo bikanga kumuvura. Ku munsi wakurikiyeho, minisitiri Sam Kutesa yaje gukora igikorwa cy’ubutwari n’ubutabazi,ategeka abaganga bo muri ibyo bitaro kwita kuri iyo ndembe, ari bwo yahise ijyanwa mu cyumba kibagirwamo abarwayi barembye cyane (salle d’opération),bamushyiramo icyuma cyunga ukuguru kwari kwavunitse, ari na bwo mu minsi micye yaje gusezererwa.

Maneko za Kagame zanakoresheje bamwe mu bagize umuryango wa Gasasira mugushimuta mubyara we yareraga.

Ku itariki ya 14 z’ukwezi kwa kane 2013, Umuvugizi washoboye kumenya amakuru yerekanaga ko umwe mu bavandimwe ba Gasasira wari warahungiye mu Bwongereza, ari we Maninga Frank, yari amaze gukandagiza ikirenge muri Uganda, ku butumwa bw’inzego z’ubutasi za perezida Kagame, zarizigamije kumukoresha mu kumunga umuryango wa Gasasira (enemy infiltration) no kuwutesha umurongo (sabotage). Izi nzego zari zigamije no kuwufata bugwate kugirango bazajye bawugabaho ibitero shuma no kuwica urubozo mu rwego rwo gutesha umutwe umwanditsi mukuru w’Umuvugizi, kugirango aho gusohora inkuru zivugira abanyarwanda, ahubwo arangarire ku bibazo bamwe mu bagize umuryango we bahungiye muri Uganda, baterwa na maneko za Kagame.

Iyi migambi mibisha Umuvugizi umaze kuyitahura,wahise umenyesha bamwe mu bashinzwe inzego z’umutekano muri Uganda ko Maninga Frank, impunzi yari yarageze mu Bwongereza ivuga ko yahunze ubutegetsi bwa Kagame,yari agarutse muri Uganda avugako ngo aje guhinga ikawa muri icyo gihugu, ariko ukuri kukaba ari uko byari urwitwazo, dore ko twashoboye kumenya amakuru mbere yaho ko yari mubutumwa bw’akazi ko kugirango afatanye na Gen Mugambage, uhagarariye u Rwanda muri Uganda, kugirango bajye bagaba ibitero shuma ku muryango wa Gasasira wahahungiye, ibi bitero bikaba byari bigamije kumutesha umutwe kugirango areke umwuga we w’itangazamakuru.

Mu rwego rwo kugaragaza ko iyi migambi ya Frank Maninga yari yatahuwe neza, umwanditsi mukuru w’Umuvugizi yahise amwoherereza message kuri telefoni igendanwa nomero 00256787617945, amubwira ko ikimuzanye muri Uganda akizi, ko atazanywe no guhinga ikawa nkuko yabivugaga, ko ibyo byari urwitwazo gusa (undercover business), ko ahubwo azanywe no kumunga umuryango we no kuwangisha Gasasira hamwe n’ukuwutesha murongo kugirango maneko za Kagame zizaje zibica urwagashinyaguro nkukwo zishakiye doreko ariyo nzira perezida Kagame asigaranye yonyine ,yo kugirango atere ubwoba umwanditsi mukuru w’umuvugizi aho kugirango yandike inkuru zifitiye abanyarwanda akamaro,arangazwe n’ibikorwa by’iterabwoba rya Kagame hamwe nabo bafatanyije kwogozaigihugu .

Akibona iyi SMS ya Gasasira, Maninga Frank mu minsi micye yahitse , asubira mu Bwongereza shishi itabona, ariko asiga abibye yakawa yavugaga yari yaje guhinga, doreko iyo kawa yavugaga atari ikawa nkiyi dusanzwe tunywa ahubwo yari ikawa y’ukubiba urwango hamwe n’ugutesha umurongo abagize umuryango wa Gasasira. Ku itarikiya 26/05/2013, mubyara wa Gasasira yareraga, ari we Bunyenyezi Benon, wari warahungiye muri Uganda hamwe na bamwe mubagize umuryango wa Gasasira yaje gushimutwa na maneko za Kagame mu masaha y’umugoroba, kugeza uyu munsi akabayaraburiwe irengero.

Umuryango wa Gasasira wanatewe ku manyway’ihangu.

Amakuru Umuvugizi ukomeje kubona, yemeza ko uruvunge rw’abasore bavuga ikinyarwanda, ku itariki ya 29 z’ukwezi kwa gatanu 2013,rwagabye igitero ku muryango wa Gasasira aho utuye mu nkengero z’umugi wa Kampala, umwe afatirwa hejuru y’igipangu na bamwe mu bagize umuryango we,bafatanyije n’abaturanyi babo ndetse na polisi iza kuhagera yirukankana urwo ruvunge rw’insoresore rwari rugamije kugirira nabi umuryango w’umwanditsi mukuru w’Umuvugizi aho wahungiye muri Uganda. Kugeza ubu twandika iyi nkuru,uwo wafashwe aracyahatwa ibibazo n’inzego za polisi ya Uganda zamutaye muri yombi.Ibi bikaba byarabyaye nyuma y’iminsi micye nanone ambasade y’uRwanda muri Uganda yari amaze iminsi ikora igenzura ku muryango w’umwanditsi mukuru w’umuvugizi aho utuye ukoresheje umwe mubasaza baturanyenuwo muryango, unafitanye Isano n’umwe mubanyamabanga ba Gen Mugambage Frank, uwo musaza akaba afite ishingano zo ukuneka umuryango wa Gasasira aho wahungiye muri Uganda arinakwo atanga amakuru kwa Gen Mugambage Frank hamwe n’ukwa maneko John Ngarambe.

Andi makuru Umuvugizi washoboye kumenya nuko perezida Kagame yahaye amabwiriza minisitiri Musoni James gukoresha bimwe mubyitso afite mu nzego zitandukanye zishinzwe impunzi muri Uganda, akoresheje ambasade y’u Rwanda muri Uganda, kugirango batange amafaranga ayo ari yo yose yo kugirango umuryango w’umwanditsi mukuru w’Umuvugizi we kugira aho utarabukira mu rwego rwo gukomeza kuwugabaho ibitero biwuhutaza, ibitero bigamije kubica uruhongohongo nka ka gaca kageze mu mishwi y’inkoko. Ibyo byose bikaba bigaragaza urwego umunyagitugu Kagame agezeho mu kwanga itangazamakuru hamwe n’abanyamakuru baryo bigenga.

Ubwanditsi.

Ndahiro Moses Adam washimutswe na maneko za Kagame agambaniwe na murumunawe Byusa Marcel hamwe na maneko Frank Munya

Amakuru agera ku Umuvugizi, aturuka ahantu hizewe, yemeza ko ise wa Ndahiro Bosco Adams yaciye ku ruhande umugore we w’isezerano, mama Ndahiro Bosco Adams, abyara kuri mushiki wa Perezida Kagame umwana ari we Byusa Marcel.

Byusa Marcel yaje gusaba mukuru we Ndahiro Bosco Adams, wakoraga umwuga w’ubutekinisiye bwa za mudasobwa muri Afurika y’iburasirazuba hamwe no muri Afurika y’Epfo , amusaba ko yabanekera abanyarwanda batandukanye bagiye bahungira mu bihugu yakoreragamo akazi k’ubutekinisiye. Ndahiro Adams Bosco yaje kubyanga ariko Byusa, afatanyije na maneko za Kagame, bakomeza kumutitiriza ngo abafashe.

Amakuru akomeje kugera ku Umuvugizi yemeza ko, ku mpamvu Umuvugizi utaramenya neza,zatumye Ndahiro Bosco afata icyemezo cyo kureka ingendo yakoreraga hirya no hino muri Afurika, asigara akorera gusa muri Uganda.

Amakuru na none Umuvugizi ukomeje kubona yemeza ko umwe mu banenga ubutegetsi bwa Kagame yaje guhamagara umugore wa Ndahiro Bosco Adams kubera ko ari abavandimwe baganira igihe kirekire, dore ko yari yasohokanye na zimwe mu nshuti ze bahoze bakorana atarimukira muri Uganda.

Ubwo Umugorewe yaganiraga n’umwe mubanenga Ubutegetsi bwa Kagame ari kumwe nabo bigeze gukorana muri Rwanda Revenue Authority ntiyigeze amenya ko umwe mubo bari basohokanye ariwe Frank Munya ko ari maneko, dore ko Frank Munya akimara gukandagiza ikirenge mu Rwanda avuye muri Uganda, yahise atanga raporo z’ukuntu umuryango wa Ndahiro wavuganaga n’umwe mubanenga ubutegetsi bwa Kagame.

Ku itariki ya 6 z’ukwezi kwa gatatu 2013, akimara kugera ku kibuga cy’indege i Kanombe, azanywe n’indege ya Rwanda Air, dore ko yari yabeshywe ko bamuboneye ibiraka muri KCB na BNR, urwego rw’ubutasi (NSS), rufatanyije na DMI, bahise bashimuta Bosco Ndahiro Adams, ajyanwa mu mazu y’inzego z’ubutasi za Kagame yabigenewe batangira kumwica urubozo, bamubaza ibyo umugorewe yaganiriye n’umwe mu banenga ubutegetsi bwa Kagame, banamubaza nimba azi n’abandi baba bakorana mu kunenga ubutegetsi bwa Leta ya Kagame.

Amakuru akomeje kugera ku Umuvugizi yemeza ko ubwo yicwaga urubozo banamubazaga impamvu atakoze akazi ko ukuneka abanenga ubutegetsi bwa Kagame babarizwa mubihugu yakoreragamo nkuko babimusabaga,bityo kuba atarujuje inshingano mwishywa wa Perezida Kagame yamusabaga, ibyo bikaba byari bihagije kugirango agirwe umwanzi, akaba yaragombaga gucibwaho iteka.

Amakuru Umuvugizi ukomeje kubona yemeza ko amakiriro y’uyu mukuru wa mwishywa wa Perezida Kagame akiri kure, dore ko ntawatinyuka kumufungura cyangwa ngo amukize kandi azi neza ko yagambaniwe na mwishywa wa Kagame, kandi akaba anaregwa icyaha gikomeye kuri Leta y’umunyagitugu nka Kagame, aricyo kuvugana n’abamunenga ubutegetsi , biba bihagijye ngo bakwice urw’agashinyaguro.

Umuvugizi ukaba warashoboye kumenya ko yaba umuryango wa Ndahiro Bosco Adams cyangwa abamwunganira, ntawe urashobora kumuca iryera, bakaba bafite impungenge ko umuvandimwe wabo ashobora kuba yarishwe n’inzego z’ubutasi za perezida Kagame,ku kagambane gusa, dore ko buri gihe zihutira kwica vuba na bwangu abo ziba zashumurijwe.

Gasasira,Sweden.

Uburyo Gen Kabarebe hamwe na Lt Gen Charles Kayonga baherutse gutegeka Ingabo za RDF zihishe inyuma ya M23 kurasa umugi wa Goma zikoresheje imbunda zikomeye, zigamije gusa kuburizamo uruzinduko rw'umunyamabanga mukuru wa Loni, Ban Ki-Moon na Perezida wa Banki y’Isi, DR Jim Yong Kim, igikorwa cyahitanye abaturage batari bacye,abandi bagasigara ari indembe.

Ubusanzwe igisirikare kirasa ibirindiro by’umwanzi uba ahanganye na cyo ariko igiteye agahinda nuko igisirikare cya RDF, kihishe inyuma y’inyeshyamba za M23, cyakoresheje imbunda za rutura zirimo izitwa «machine gun» na «RPG», kikarasa mu mugi wa Goma, aho kurasa byibura ku birindiro by’ingabo za Kongo (FARDC), ariko kubera ko icyari kigamijwe ari ukuburizamo uruzinduko rw’umunyamabanga mukuru wa Loni hamwe na perezida wa Banki y’isi, izi nyeshyamba za Kagame zakoze igikorwa cya kinyamaswa zirasa igice kimwe cy’umugi wa Goma gituwe n’abaturage benshi, bityo icyo gikorwa cya bunyamaswa gihitana abaturage batatu, naho abagera kuri cumi n’umwe barakomereka.

Muri iyo mirwano y’iminsi itatu ubwo FARDC yihimuraga kuri ibyo bikorwa by’inyeshyamba, abasirikare ba M23 bagera kuri cumi na batanu barahaguye, abagera ku munani bakaba barafatiwe ku rugamba, barimo n’umwana w’imyaka cumi n’itatu ku gice cya RDF na M23.

Muri ibi bikorwa bya kinyamaswa, ingabo za RDF zakoresheje za «missiles» zirasa kuri Goma iminsi ibiri mbere yuko umunyamabanga mukuru wa Loni hamwe na perezida wa Banki y’isi bagirira uruzinduko kuri Goma.

Ubushakashatsi bwakozwe n’Umuvugizi, dore ko washoboye kugera kuri «terrain» ukibonera bimwe mu bisigazwa by’izo «missiles» zaraswaga mu kirere zikamarayo igihe kitari kinini kubera ubushobozi bucye bwazo, bwemeza ko twashoboye kumenya ko izo «missiles» zo mu bwoko bwa «chai» zaguzwe n’igisirikare cya RDF kikaba ari cyo cyonyine kizikoresha mu karere k’ibiyaga bigari, bityo izo akaba ari gihamya z’uko igisirikare cya RDF gikomeje kwisasira imbaga y’abaturage b’inzira karengane, kihishe inyuma y’inyeshyamba za M23, ibyo bikaba ari ibikorwa by’iterabwoba byari bigamije kuburizamo uruzinduko rw’umunyamabanga mukuru wa Loni na perezida wa Banki y’isi kugirango batibonera zimwe muri za gihamya z’urukoza soni inyeshyamba za M23 zagiye zikora nko gufata abagore ku ngufu mu buryo bwa kinyamaswa; umunyamabanga mukuru wa Loni, Ban Ki moon hamwe na perezida wa Banki y’isi, DR Jim Yong Kim, bakaba barasuye ivuriro ry’ahitwa «Heal Africa Hospital» kugirango birebere imbona nkubone ibikorwa by’urukoza soni byakorewe abo babyeyi bo muri Kivu y’amajyaruguru.

Gasasira, Sweden.

Umunyamabanga mukuru wa Loni, Ban Ki Moon, Perezida Kagame hamwe na perezida wa Banki y'Isi, Dr Jim Yong Kim

Ban Ki Moon yasabye perezida Kagame ko yakubahiriza amasezerano yo kugarura amahoro muri Kongo, amasezerano yasinyweho n’abakuru b’ibihugu bya Afurika mu rwego rwo gushakira hamwe umuti wagarura amahoro mu burasirazuba bwa Kongo.

Amakuru Umuvugizi ukura mu nzego z’ubutasi za Perezida Kagame, yemeza ko Umunyamabanga mukuru wa Loni yanaboneyeho umwanya wo kugaya Perezida Kagame kubera ibikorwa byuzuye ubwicanyi bukomeje guhitana inzirakarengane z’abasiviri, ibikorwa bikomeje gukorwa n’umutwe w’inyeshyamba yashinze, akaba akinawutera inkunga kugirango ukomeze uteze akaduruvayo muri Kongo; uyu mutwe ukaba ukomeje kwigarurira ibice byinshi bya Kongo bikungahaye cyane ku mabuye y’agaciro, kugirango ubigire ikiraro cyo gukomeza gusahura uwo mutungo kamere wa Kongo-Kinshasa.

Ban Ki Moon na perezida wa Banki y’Isi bageze mu Rwanda baturutse muri Kongo no muri Mozambique, bakaba na none barakomereje uruzinduko rwabo muri Uganda no muri Ethiopia, bimwe mu bihugu birebwa n’iki kibazo cya Kongo, dore ko byanagize uruhare runini mu kuba abahuza; Mozambique ikaba ari kimwe mu bihugu bisabwa gutanga ingabo zigize umutwe wa Loni «UN Intervention Combat Brigade», inshingano y’izi ngabo ikaba ari iyo guhangana no guhashya inyeshyamba za Kagame, ziyise M23.

Abakurikiranira hafi uruzinduko rw’Umunyamabanga mukuru w’Umuryango w’Abibumbye na Perezida wa Banki y’Isi bagiriye mu Rwanda, bemeza ko Ban Ki Moon yitwaje umukuru wa Banki y’Isi kugirango na we yihere ijisho, amenye ko ari Kagame utera inkunga inyeshyamba za M23, bityo Banki y’isi ayoboye izabone uburyo yongera guhagarikira inkunga yageneraga u Rwanda, izindi banki mpuzamahanga nka Banki Nyafurika itsura amajyambere ndetse n’Ikigega mpuzamahanga gishinzwe imari, na zo zizabonereho mu guhagarika inkunga zageneraga u Rwanda, niba Perezida Kagame akomeje kuvunira ibiti mu matwi mu kudahagarika inkunga akomeje na we kugenera inyeshyamba ze za M23.

Gasasira, Sweden.

Abanyekongo batamagana uburyo perezida Kagame yagiye abahekura

Mu mutekano udasanzwe mu mujyi w’aho Oxford University iherereye, aho umunyagitugu Kagame yatangaga ibiganiro kugirango apfukirane ikimwaro cy’uko ari umunyagitugu, ibyo yaboneye Oxford ntazapfa abyibagiwe mu mateka y’ubuzima bwe, dore ko ibyari ukujya kwiyerekana mu Bwongereza byamuviriyemo gukubitwa amagi aboze n’amase y’indogobe, abigaragambyaga bari bakuye mu Bubiligi.

Indogobe nazo nizahatazwe muguhosha imyivumbagatanyo

Umuvugizi washoboye no kumenya ko abo bigaragambyaga bo mu Bubiligi bamennye ikirahuri cy’imwe mu mamodoka zari zishinzwe guherekeza perezida Kagame, ariko Polisi y’Ubwongereza irahagoboka, ubwo yahavanaga Kagame bujura, ikamwinjiza aho yagombaga gutanga ikiganiro, yakozwe n’ikimwaro.

Kubera uburakari bw’abanyarwanda, abanyekongo n’abanya Uganda, bari baturutse mu Bubiligi, Polisi y’Ubwongereza, nyuma yo gutungurwa abo bigaragambyaga batera perezida Kagame amagi aboze n’amase y’indogobe zo mu Bubiligi, byabaye ngombwa ko iyi Polisi yirukana byihutirwa bamwe mu bigaragambyaga, ubwo yabahaga amabwiriza yo gusubira iwabo mu Bubiligi, dore ko itari gushobora guhosha induru n’imyivubagatanyo yabo yari yiganjemo ibikorwa by’urukozasoni byo gukubita perezida Kagame n’abamurinda amase n’amagi aboze, ngo na none ihoshe abandi barengaga magana abiri bari baturutse mu bice bitandukanye byo mu Bwongereza, n’uburakari bwinshi na bo bamaganaga umunyagitugu Kagame.

Polisi y’Ubwongereza yaje rero gufata icyemezo cyo kwirukana abari baturutse mu Bubiligi, ibategeka gusubirayo badakomeje gukora indi myigaragambyo yamaganaga perezida Kagame mu kindi gice cyo mu mugi wa London, aho na none abandi bari babukereye bamaganaga umunyagitugu Paul Kagame, mu mihango yari yatumiwemo yiswe «Rwanda Day», kugirango na none ashobore kugaragara mu ruhando rw’amahanga ko ngo ari umuperezida ugikunzwe n’abaturage be; ibyo bikaba bitaramuhiriye, dore ko ibyari imihango yo kumwamamaza byaje guhindukamo imyigaragambyo yo kwamaganwa n’impunzi zituruka mu bihugu bitandukanye byo mu karere k’ibiyaga bigari, bose bahurije hamwe bamagana Kagame nk’umuperezida wuzuye amaraso mu biganza, kubera ubwicanyi yagiye akorera abanyarwanda n’abanyekongo.

Umuvugizi ukaba warashoboye kuvugana n’umwe mu banyarwanda bahungiye mu Bwongereza witwa Bahunga Justin, uyu akaba yaradutangarije ko icyamutunguye muri byose muri iriya myigaragambyo yo kwamagana perezida Kagame, ari ukuntu Abanyarwanda n’abanyekongo, aho kurwana ngo basubiranemo, ahubwo bashyize hamwe ingufu zabo, bakaza kwitabira igikorwa cyo kwamagana umwicanyi Kagame, ugiye kubamaraho urubyaro, inshuti n’abavandimwe.

Gasasira, Sweden .