RSF Iranenga igitugu cya Kagame kivanze n'ubwicanyi,gufunga abanyamakuru hamwe no kubameneshereza mu buhungiro

Kuri iyi sabukuru kandi, umuryango uharanira ubwisanzure bw’itangazamakuru ku isi(Reporters Sans Frontières-RSF), washyize ahagaragara amagambo yivugiw en’umukuru w’igihugu, Paul Kagame, yigamba ko bamwe mu banyamakuru bo mu Rwanda yabafunze, yabishe, abandi akabameneshereze mu buhungiro .

«Abashaka kumparabika, bavuga ukomeze n’indeshyo yanjye, indorerwamo ntoya nambara zigaragaza umunyabwenge,n’amasuti yanjye atagira inenge, binyerekana
nk’umugabo w’igihagararo, ubereye politikiy’iki gihe, ariko ntibikuraho na none cyangwa ngo bihishe ko nahoze ndi umukuru w’inyeshyamba. Ibi nyine, ni byo bituma nkiri ya nyeshyamba ihutaza, itagira icyo yitayeho. None se ? Kubera itsemba bwoko ryabaye mu mwaka w’1994, inzira y’ubwiyunge yatangijwe na Leta yange, ituma nicara ngatuza ku butegetsi bwange;iyi nzira ni na yo ituma mbona uko nkanda abandwanya, abo ari bo bose. None se?»

«Ibyo ari byo byose, yaba itangazamakauru, yaba Umuryango w’Abibumbye, yaba abiyita ko barengera uburenganzira bw’ikiremwamuntu, ntaburenganzira na buke bwo ukunenga igitugu cyange bafite . Aba ngo baharanira uburenganzira bw’ikiremwamuntu ? Nzi neza ko batanazi aho bashakira u Rwanda,iyo barebye ku ikarita y’isi ! »

«Na ho se ibitangazamakuru. Ah,ibinyamakuru na ko da. Ibitinyuka kumparabika, bimeze nka «Radio RTLM»! Ndavuga iyi radiyo y’ivangurakoko, yakoze uko ishoboye kugirango ishyushye imitwe mbere ya jenoside n’igihe yari irimo kuba. Abanyamakuru b’abanyarwanda,bamaze kurenga nk’icumi, bahunze igihugu, ni abacanshuro . Mu kiganiro n’abanyamakuru, ushaka wese kugira icyo ambaza, ntahezwa, apfa kutambaza ibibazo bintesha umutwe, gusa. Minisiteri y’itangazamakuru n’Inama nkuru y’itangazamakuru, bazi neza uko bampa ibitotsi. Bazi uburyo babona ko hariabanyamakuru bibasira izina rya Perezida wa Repubulika !».

«Mu ntangiriro y’umwaka wa 2011, abagore babiri badafite uburere babanyamakuru,Agnès Uwimana Nkusi na Saidati Mukakibibi, bakatiwe imyaka 17, n’irindwiy’igifungo. Nyuma y’umwaka, twasanze tugomba kubagabanyiriza ibihano, kuva kumyaka ine n’itatu.

Naho se Jean-Léonard Rugambage? Umwanditsi mukuru w’ungirije wicyo gikoropesho ngo n’Umuvugizi . Ibye byararagiye. Muri kamena 2010 basanze umurambo we mumodoka ye bamwikiyemo imbere y’irembo ry’ahoyari atuye i Kigali. Numva ko yari arimo gukora amaperereza ku nzego z’ubutasi,zari zagerageje kwica umujenerali wahungiye muri Afurika y’Epfo! Niryo perereza yakoraga ryatumye yicwa bitunguranye »

Amiel Nkuliza, Sweden.

Hyabene James, Uhagarariye Ikinyamakuru The Independent mu Rwanda arafunzwe azira amaherere .

Ifungwa rya James Hyabene ryabaye ku mabwiriza y’ikigirwamana cya Kagame, Andrew Mwenda, ari na we muyobozi mukuru akaba na nyir’iki kinyamakuru. Andrew Mwenda yandikiye umuyobozi mukuru wa Polisi y’u Rwanda, Gen Gasana Emmanuel, amusaba ko mugenzi we wari umuhagarariye mu Rwanda, afungwa atararenga umupaka w’u Rwanda na Uganda. James Hyabene yagombaga kujya kwizihiriza iminsi mikuru ya Noheli muri Uganda.

Andrew Mwenda, nk’umwe mu bajyanama ba perezida Kagame, akaba n’inshuti magara y’umuryango we, yatanze amabwiriza ko mugenzi we afungwa, aregwa ibirego by’ibihimbano by’ubujura. Kubera igitutu, Polisi y’u Rwanda yaje kumuta muri yombi, urwego rushinzwe ubugenzacyaha rutaranamukorera igenzura.

Itohoza ryakozwe n’Umuvugizi ryemeza ko abo banyamakuru bombi ba «The Independent» baje gupfa amafaranga y’ishyaka riri ku butegetsi rya FPR, ubwo ryabahaga ikiraka cyo kuryamamaza mw’isabukuru yaryo y’imyaka makumyabiri n’itanu rimaze rivutse, bityo icyo kinyamakuru kikaba cyaragiye vuba na bwangu gucapisha numero special yacyo muri Kenya, kugirango inkuru cyari cyanditse zisingiza perezida Kagame n’ishyaka rye, zigere kw’isoko ku munsi wo kwizihiza isabukuru y’imyaka 25 ya FPR.

Ako kayabo aba banyamakuru bombi bahawe na Leta ya perezida Kagame kugirango bajye gucapisha inyandiko zimusingiza, ni ko baje kuryaniramo, ubwo James Hyabene yavugaga ko gucapisha ibyo binyamakuru byamutwaye ibihumbi icumi na bitatu by’amadolari, Andrew Mwenda we akaba yaravugaga ko byakagombye gutwara ibihumbi birindwi gusa. Uku kutumvikana ku biciro byakoreshejwe mu kwandikisha ikinyamakuru cyabo, ni byo byatumye Andrew Mwenda asaba polisi y’u Rwanda gufata mugenzi we, kuko yakekaga ko yanyereje akayabo mu icapisha ry’iki kinyamakuru.

Nubwo ubusanzwe umuntu uregwa kunyereza amafaranga afungwa nibura habayeho «internal audit», polisi na yo igashingira kuri iryo genzura mbere yo guta muri yombi uregwa, si ko byaje kugenda, dore ko imikorere ya polisi y’u Rwanda icuramye kuko ifunga umuntu nta dosiye cyangwa ikirego gifatika, ibimenyetso bikaba bishakwa mu gihe uregwa aba arimo kuborera mu buroko.

Kugeza ubu twandika iyi nkuru, James Hyabene afungiwe kuri Station ya Brigade ya Kicukiro, aho akomeje guhatwa ibibazo na polisi y’u Rwanda, mu gihe Andrew Mwenda we arimo gukora aho bwabaga kugirango akomeze gushakira ibindi birego mugenzi we, agamije kumuheza mu buroko.

Gasasira, Sweden

Hassan Ruvakuki

Ubwo uru rubanza rwasasaga, rwari rwitabwe n’abatagera ku icumi mu bareganwa na Hassan Ruvakuki. Ikirego cy’uyu munyamakuru, wari warakatiwe guherayo muri kamena uyu mwaka, umucamanza ntiyigeze agira icyo akivugaho.

Umuryango urengera ubwisanzure bw’itangazamakuru ku isi (Reporters sans frontières) uvuga ko «mu rubanza rubanziriza uru, umucamanza wabonaga ko afite ubushake bwo kwihutisha urubanza. Bitandukanye n’uko bimeze ubu, aho umuntu abona ko noneho rurimo kudindira».

«Ugereranije n’uko byari byagenze i Cankuzo, abacamanza bari bagerageje gutega amatwi uko abaregwa bireguraga, ndetse n’ababunganira bakaba barashoboye kwisobanura ku buryo buhagije. Nyamara icyemezo cy’isubikwa ry’urubanza rwa mugenzi wacu ufunzwe arengana mu gihe kirenze amezi icumi, gitumye na none yongera gutegereza ikindi gihe cy’ubusa».

Patrick Nduwimana, uyobora Radio Bonesha FM, wakoreshaga Hassan Ruvakuki, yahise yerekana ko ashavujwe n’iki cyemezo. «Twari twiteguye ko urubanza ruziihuta. Kubera iki tugomba na none gutegereza no kugaruka mu cyumweru gitaha?». Naho Alexandre Niyungeko, uyobora ishyirahamwe ry’abanyamakuru bo mu Burundi, yagize, ati: «Ibi bisobanura ko uru rubanza rugiye kuzamara ikindi gihe rutaburanishijwe».

Hassan Ruvakuki, utarashoboye kumenya neza niba iyimurwa ry’urubanza rwe ryari inkuru mbi cyangwa nziza, mbere yo gusohoka mu rukiko, yabwiye uhagarariye «Reporters sans frontières» mu Burundi, ati : «Bizatungana, mwakoze, nisubiriye iwanje mu ibohero ry’i Muramvya».

Abantu benda kungana na 300 bari bitabiriye uru rubanza, barimo abahagarariye ibihugu byabo mu Burundi, umuryango uharanira uburenganzira bw’ikiremwamuntu (Human Rights Watch), ndetse na «Reporters sans frontières». Abahagarariye ibinyamakuru n’amaradiyo akorera mu Burundi, na bo bari bitabiriye uru rubanza. Ibi bitangazamakuru ni nka Bonesha FM, Radio Publique Africaine (RPA), Iwacu, Net Press, n’ibindi.

Jean-Claude Kavumbagu, umuyobozi wa Net Press, wari umaze igihe afungiwe muri gereza mu Burundi, kubera icyaha kimeze nk’icya mugenzi we Hassan Ruvakuki, na we yari mu baje kumushyigikira.

Amiel Nkuliza, Sweden.

Intwari Nyakwigendera Jean Leonard Rugambage, Imana ikomeze imwakire mu bayo

Mu nyandiko twari twasohoye uwo munsi, twerekanaga ko habayeho ikiganiro kuri telefoni hagati y’uwahoze ari maneko mukuru, Col Dr Emmanuel Ndahiro, n’umushoferi wa Gen Kayumba. Icyo gihe Col Ndahiro akaba yarashimiraga uwo mushoferi na bagenzi be kuba barashoboye kurasa Gen Kayumba Nyamwasa, anamwizeza ko Perezida Kagame azabahemba bishimishije nibaramuka bamuhuhuye burundu. 

Ku mabwiriza ya Jeannette Kagame Nyiramongi, abasirikare barinda umukuru w’igihugu, babifashijwemo na polisi y’igihugu ndetse na DMI, bayoboye igitero simusiga cyo kwica iyo ntwari, yatabarutse kuri iyi taliki y’uyu munsi, izira umwuga wayo w’itangazamakuru. 

Umwe mu bakoranaga na nyakwigendera Jean Leonard Rugambage yatangarije Umuvugizi muri aya magambo : “Ntiduteze kuzibagirwa ubutwari bwa Jean Leonard Rugambage. Icyumweru yarashwemo  yari avuye i Cyangugu gutara amakuru yerekanaga uburyo leta ya perezida Kagame yari imaze gusenyera Twagiramungu Faustini. Ikindi nuko maneko za Kagame zari zimaze iminsi zimukurikirana kubera ko ari we wakurikiranaga umunsi ku wundi urubanza rw’ikinyamakuru Umuvugizi icyo gihe cyari cyarareze leta, kiyisaba gufungura iki kinyamakuru, iyi leta yari yarafunze by’agateganyo”. 

Kubera ubutwari bwa nyakwigendera Jean Leonard Rugambage, umuryango w’abanditsi bakuru ku rwego rwa Afurika wamugeneye igihembo cy’ubutwari nk’umwe mu banditsi bakuru muri Afurika, wishwe azira umwuga we.  

Jeannette Kagame yahitanye Intwari ya Afurika .

“Uyu munsi imyaka ibiri irashize mugenzi wacu Jean Leonard Rugambage ahitanywe n’ubutegetsi bw’igitugu,bumujijije gusa ko yakoze akazi ke no kuvugisha ukuri. Mu kumwibuka, turongera kwamagana imena ry’amaraso y’abatavuga rumwe n’ubutegetsi bwa Kagame, byaranze ingoma ye muri iyi myaka ishize uko ari 18. 

Turongera kandi kwamagana icyiswe iperereza ryakozwe n’abakekwagaho kwica Rugambage, banze ko hakorwa iperereza ryigenga kubera impamvu zumvikanira buri wese. Twamaganye ubutegetsi bwa Kagame n’igipolisi cye cyagize umwuga mu kujugunya muri gereza uyinenze wese, kwica no kujujubya abatavuga rumwe n’ubu butegetsi, hakoresheje imitwe yitwa ko ishinzwe umutekano, ihoza abaturage ku nkeke n’ubwoba budashira”.  

Ubwanditsi bw’iki kinyamakuru buributsa ko nyakwigendera Jean Leonard Rugambage yishwe ku mabwiriza yatanzwe na Jeannette Kagame Nyiramongi, yicwa n’abasirikare barindaga umugabo we, perezida Paul Kagame. Mu mipangu y’ubugome yo kumukura ku isi, abicanyi b’ingoma ngome bakoresheje imodoka zirinda uwitwa umukuru w’igihugu “Presidential advance party vehicles ”, bakaba bari no ku mapikiipiki ya «military police» yaziherekeje muri uwo mugambi mubisha w’abicanyi ba Kagame n’agatsiko ke. 

Ubwanditsi bw’Umuvugizi buranibutsa ko aho nyakwigendera Jean Leonard Rugambage abicanyi ba Kagame bamutsinze, hafi y’umuhanda wo mu Nyakabanda, hari urujya n’uruza rw’abapolisi bitwaga ko ngo barinze umutekano. Aba, nabo bari bazi uyu mugambi mubisha wo kwica mugenzi wacu, ntacyo bakoze kugirango bamutabare, yewe nta n’ubwo bafashwe kugirango babazwe iby’urupfu rwe. Ibi byerekana, nta gushidikanya ko, ubutegetsi bwa Kagame kwica bwabigize umwuga.  

Nyakwigendera Jean Leonard Rugambage, Imana ikomeze imwakire mu bayo. 

Ubwanditsi.

Reporter without Borders ikomeje kwamagana Igitugu cya leta ya Kagame.

Bagenzi be bavuga ko byari ukunyerera mu nvugo doreko umunsi umwe mbere yaho yari  yasomye nanone iyo nkuru kandi neza nta kwibeshya kubayemo, ariko ibyo bikaba bitarabujije Radio yakoreraga  ku mwirukana ku itariki ya 23 mata 2012  akanaza gufungwa bucyeye bwaho .
 
Umuryango Reporters Without Borders wavuzeko n’ubwo utarimo gushyigikira Epaphrodite ariko nanone uramagana ifungwa rye rinyuranyije n’amategeko doreko amaze gufungwa   iminsi  irenga mirongo itatu atarashyikirizwa ubutabera kandi akaba atari anakwiriye gufungwa azira inkuru yatangaje kuri Radio.Ibi bikaba bizagira ingaruka zikomeye ku itangazamakuru cyane ko gutera ubwoba Abanyamakuru  ari igikorwa kitihanganirwa na gato . 
 
Umuryango Reporters Without Borders waboneyeho akanya ko gusaba ubutabera bw’u Rwanda kurekura vuba uwo munyamakuru kugirango ategure neza kwiregura mu mategeko adafunzwe . Ikindi kandi uwo muryango usanga igihano  umunyamakuru yahawe cyo kwirukanwa kuri radiyo kubera kunyerera mu nvugo cyari  gihagije, ko kubw’ibyo  hatakagombye kubaho n’ikindi cyo kumufunga.
Uwo muryango ukaba wasoje usaba leta y’u Rwanda gukura ibyaha byakorewe mu itangazamakuru mu gitabo mpana byaha cy’urwanda .
 
Gasasira , Sweden 

Leta y'uburundi ikomeje gutesha umutwe imiryango iharanira uburenganzira bw'ikiremwa muntu !i

Raporo ya Human Rights Watch ifite umutwe uvuga ngo: “Nti muzagira amahoro mu gihe mukiriho :Akaduruvayo ka politiki mu Burundi”. Iyo raporo ikaba yerekana ubwicanyi bw’a banyapolitiki butandukanye bwagiye bukorwa mu mpera z’ukwa 2010 na 2011.

Yerekana ubwicanyi bwuzuye kwihimura bwagiye  bukorwa n’ishyaka riri ku butegetsi  hamwe n’abatavuga rumwe nayo  , bikozwe n’abashinzwe umutekano, abagize ishyaka riri ku butegetsi hamwe n’imitwe yitwaje intwaro  .

Uhagarariye umuryango Human Rights mu Burundi Daniek Bekele yaratangaje iti:“Leta y’Uburundi nti yakagombye guhagarika raporo yerekana ubwicanyi bwagiye bukorerwa mu Burundi ahubwo yakagobye kwakira ibiyirimo , ikarebera uburyo  yacyemura ibyo bibazo by’ubwicanyi biri  mu Burundi kugira ngo ni bizongere kuba “.

Mu rwandiko rwanditswe kuya 30 mata 2012 , Minisitiri w’umutekano Edouard Nduwimana yamenyesheje umuryango Human Rights Watch ko asubitse iyo nama yagombaga kuba ku ya 2/05/2012 nta mpanvu zigaragara atanze . Ibi bikaba bikurikira urundi rwandiko uwo Minisitiri yari yandikiye Umuyobozi w’umujyi wa Bujumbura amusaba guhagarika iyo nama avuga ko Human Rights Watch yari igiye gukora iyo nama itabifitiye uburenganzira.

Human Rights Watch ikaba yari yarandikiye Minisitiri w’ububanyi n’amahanga ku itariki ya 19/04/2011 , igenera copy Minisitiri w’Umutekano mu gihugu imusaba ko bagira inama ku biganye niyo raporo kugira ngo barebere hamwe uburyo basangira ibikubiye muri iyo raporo mbere yuko iba rusange . Kuya 30 mata 2012 Human Rights na none yari yandikiye abanyacyubahiro batandukanye b’Uburundi harimo na Minisitiri w’Umutekano mu Gihugu ibasaba ko bazagira icyo bavuga kuri iyo raporo muri iyo nama.

Nubwo banyacubahiro batandukanye b’Uburundi bari bashimye iyo raporo harimo Minisitiri w’ububanyi n’amahanga w’uwumutekano wa rubanda hamwe na bamwe mu bakora muri perezidansi igihe bahuraga n’uhagarariye Human Rights Watch mu gihugu , nibya bujije Minisitiri w’umutekano mu gihugu gutuka Uwo muryango uharanira uburenganzira bw’ikiremwa muntu awita “abarakare” hamwe “n’abantu bayoboreshwa n’umutima mubi”.
 
Kubera ko impamvu zo kubuza ko iyo raporo isohoka zitari zisobanutse , byabaye ngombwa ko isohora raporo ku itariki ya 02 /05/2012 iyiha abanyacubahiro batandukanye bari bitabiriye ibyo birori harimo n’abanyamakuru kimwe n’abagize sosiyete sivile nyuma  polisi yaje guhamagara uhagarariye Human Rights Watch mu Burundi , imusaba ko yahagarika itangwa ry’iyo raporo inamutera n’ubwoba ko yagombaga kumufatira  ingamba zikomeye aramutse akomeje itangwa ry’iyo raporo.

Ibisobanuro bya Minisitiri w’umutekano mu Burundi mu guhagarika iyo nama nti byari bisobanutse, cyane ko imiryango ikorera mu Burundi isanzwe isohora raporo nta ruhushya bajyaga baka,  ahubwo ikibazo cyabaye ni ibikubiye muri iyo raporo dore ko abari batumiwe aribo banyamakuru hamwe n’imiryango igize sosiyete sivile  bari banditswe  muri iyo raporo yerekana uburyo bagiye bahohoterwa n’iyo leta .

 Human Rights Watch isanga igikorwa cya kozwe na Minisitiri w’umutekano mu gihugu aburizamo iyo raporo ari gihamya cyerekana ko leta y’Uburundi idateze kwihanganira abayinenga kandi ko iza komeza kuniga uburenganzira bw’ikiremwa muntu .

Bekele akaba yarasoje avuga ati: “Dufite icyizere ko iyo myitwarire ya Minisitiri w’umutekano idahwitse itazahugabanya imikoranire mishya na leta twari turimo kubaka, turabizeza ko  tuzakomeza kugira imishyikirano na leta y’Uburundi mu rwego rwo kurebera hamwe uburenganzira bw’ikiremwa muntu bwakubahirizwa mu gihugu ”.

Umunya gitugu nyawe !!

Umunyagitugu Perezida Kagame yagiye ku butegetsi mu mwaka 2000 , yongera gutorwa muri 2010 , akaba atihanganira ibibazo bimunenga mu biganiro agirana n’abanyamakuru , akaba agereranya itangazamakuru rimunenga na Radio Mille Colinne(RTLM) , Ihunga rya abanyamakuru rya buri mwaka ntacyo rimubwiye ahubwo abatuka ko ari abacanshuro hamwe n’ibibuno .
 
 
Abagore babiri b’abanyamakuru bahawe igihano umwe imyaka irindwi undi imyaka cumi n’irindw kubera kunenga Perezida Kagame, nyuma igihano cyabo kiza kugabanywa umwe ahabwa imyaka itatu undi imyaka ine .
 
Umwanditsi mukuru Jean Leonard Rugambage yarishwe mu kwa gatandatu 2010 kubera gukora iperereza ku nzego z’umutekano zari zagize uruhare mu iraswa ry’umusirikare mukuru wo murwego rwa Jenerali wari wahunze . Ikinyamakuru Umuvugizi kimwe n’ikindi Kinyamakuru Umuseso bikaba ari mu binyamakuru byahanganye na leta igihe kinini . 
 
Reporters Without borders ikaba yaranenze uburyo abanyagitugu b’u Rwanda barangajwe imbere na Minisiteri y’itangazamakuru hamwe n’Inama Nkuru y’itangazamakuru bazwiho kutigenga  bahora barega abanyamakuru ibyaha bimwe aribyo kwivanga mu buzima bwite bw’abantu, hamwe no gutuka Perezida Kagame, bakaba barongereyeho andi mananiza ku bagiye gutangira igitangazamakuru kuba bagomba kwishyura 41.000 euros kugira ngo babone ibya ngobwa bibemerera gutangiza igitangazamakuru , ibi bikaba biri mu rwego rwo kunaniza no guca intege buri muntu wese wakwifuza gukora itangazamakuru . 
 
Umunyamakuru aricwa buri nyuma y’iminsi itanu ,abanyagitugu bagera kuri batandatu bakaba bari yongereye ku rutonde rw’abanyagitugu ari byo byatumye bagera kuri 41 hamwe na Perezida Kagame arimo dore ko we arusaziyeho  .
 
Abiyongereye kw’isonga rya abanyagitugu baniga itangazamakuru ni Perezida wa Siriya Bashar Al-Assad , umutwe w’intagondwa z’abayisiramu muri Somaliya wica abanyamakuru nk‘ababaga inyama .
Hari n’abandi banyagitugu bakuweho biyongereye kuri urwo rutonde nka nyakwigendera Perezida Gaddafi wa Libiya hamwe na mugenzi we Abdallah Saleh wa Yemen, ariko nubwo bavuyeho ntibyigeze bigabanya umubare w’abanyamakuru bicwa buri gihe  mu bihugu byabo .
 
Abandi banyagitugu bagera kuri batandatu biyongereye ku rutonde rwa ba sekibi   mu baniga Itangazamakuru muri uyu mwaka wa 2012 .
 
Muri abo akaba harimo Boko Haram , umutwe w’intagondwa za kiyisiramu wo muri Nigeria , Akanama  ka Gisirikare kayobora Misiri , Umunyagitugu wa hirimye Hosnim Mubarak wamamaye kubera kuniga itangazamakuru, Minisitiri w’itangazamakuru ryo muri Somaliya bwana Vasif Talibov uhoza abanyamakuru ku nkeke , Umuyobozi wa Azerbaijan, inzego z’iperereza za Pakistani hamwe na Umunyagitugu wa Koreya y’amajyaruguru Kim Jong- un wazunguye igitugu cya se King Jong-il .
 
Hari n’ibihugu bigenda bitera imbere mu kuniga itangazamakuru bikaba bifite abanizi b’itangazamakuru bagera kuri babiri, bakaba baratanze urugero rwa Somaliya aho ifite umutwe w’intagondwa Al-Shabaab hamwe na minisitiri w’itangazamakuru muri icyo gihugu. Pakistani ifite Umutwe w’Abataliban hamwe n’inzego z’iperereza zicyo gihugu. Azerbaijan ifite Perezida Ilham Alien hamwe n’umunyembaraga wa Nakhchivan witwa Talibov wahinduye ubwami bwe ibagiro.
 
Russia ntifite umunyagitugu Vladimir  gusa, inafite n’umumotsi we Ramzan Kadyrov wamize bunguri igitugu cya sebuja cyo kuniga itangazamakuru .Palestine ifite ubuyobozi bwayo bubarizwa muri West Bank hamwe n’umutwe w’itera bwoba Hamas  ubarizwa muri Gaza bose bakaba bakoresha inzego z’umutekano zabo kuniga Itangazamakuru . 
 
Leta ya kiyisiramu ya Iran aho ifite abanyagitugu babiri aribo umwami Khamenei hamwe na Ahmadinejad nubwo bose batunvikana ariko bahurira mu kuniga Itangazamakuru. Iran ikaba ikiri mu bihugu bigifite umubare mwinshi w’abanyamakuru bafunzwe kimwe n’Ubushinwa , Eritrea , Turkey hamwe na Syria , ibyo bihugu bikaba bibarirwa ku isi mu bagifunze umubare mwinshi w’abanyamakuru.
 
Hari n’abandi ba Perezida bashobora kuziyongera kuri urwo rutonde rw’abaniga itangazamakuru mu minsi itaha: nka Perezida Omar Guelleh wa Djibouti, Omar al-Bashir wa Sudan hamwe na Perezida Museveni wa Uganda. Yemen yagize umwaka wa 2011 igeragezwa ku banyamakuru ariko kuva umunyagitugu wayo yava ku butegetsi ikaba ikiri mu igenzurwa kugira ngo barebere hamwe niba ishobora kwisubiraho ikava ku rutonde rw’abaniga itangazamakuru . Perezida Thein Sein  wa Burma nawe ashobora kuzakurwa kuri urwo rutonde naramuka yisubiyeho muri 2012 akivugurura mu bijanye na Demokrasi .

Gasasira , Sweden 

Perezida Nkurunziza aragenda arushaho kuba umunyagitugu .

Human Rights Watch yanenze iyicwa ry’abantu rikomeje kubera mu Burundi aho rikorwa n’abashinzwe umutekano , abanyapolitiki baturuka mu ishyaka riri ku butegetsi hamwe n’imitwe yitwaje ibirwanisho , ikaba yanenze uburyo abantu baba bakoze ubwo bwicanyi badafatwa ngo bashyikirizwe ubutabera aribyo bigaragaza umuco wo kudahana abo bicanyi bigatuma  ukwira hose , bikana garagaza leta imaze kunanirwa kurinda abaturage bayo hamwe  n’igihugu kitagira ubutabera.

Mu nyandiko ya mpampuro zigera kuri mirongo inani na rumwe yavugaga ngo: “Nti muzagira amahoro mu gihe  mu kiriho” , iyo raporo ikaba yaragaragaje ubwicanyi hamwe no kwihorera byagiye biranga amatora y’umwaka wa 2010 bikagera  hagati ya 2011 aho byaranzwe n’ubwicanyi ndegakamere bwagiye bukorwa n’ishyaka riri ku butegetsi CNDD-FDD kimwe n’abatavuga rumwe nayo FNL.  Igiteye agahinda ni uko kugeza magingo aya imiryango y’ababuze ababo itarabona ubutabera.

Iyo raporo yasohowe n’umuryango uharanira uburenganzira bw’ikiremwa muntu  Human Rights Watch ikaba igaragaza uburyo leta y’Uburundi yateye ubwoba abagerageje kunenga ubwo bwicanyi cyane cyane  itangazamakuru hamwe n’abagize “sosiyete sivile”  

Uhagarariye Human Rights watch muri afurika Daniel Mekele yavuze ati: “Ishyaka riri ku butegetsi ryari rifite umugisha wo kubaka Uburundi bushya binyuze mu matora ya 2010 ariko ibyo twabonye  ni uko ayo matora yaranzwe no kwihimura ku bahoze ari inyeshamba kimwe n’abatavuga rumwe n’ubutegetsi, abananiwe kuramya ishyaka riri ku butegetsi CNDD- FDD babuze ubuzima bwabo” .

Human Rights Watch yaboneyeho gusaba abatavuga rumwe n’ubutegetsi kimwe n’ishyaka riri ku butegetsi kwamagana bivuye inyuma ubwicanyi bwakozwe n’abanyamuryango bayo kimwe n’ababashyigikiye bagashakira hamwe umuti wa hagarika ayo makimbirane akomeje kworeka imbaga y’inzira karengane mu Burundi  .
Yasabye leta y’Uburundi guhagarika imfu hamwe n’iterabwoba rikorerwa abatavuga rumwe nayo  kimwe n’abahoze ari inyeshamba , bikozwe n’abashinzwe umutekano , inzego z’iperereza hamwe  n’umutwe w’urubyiruko rw’ishyaka riri ku butegetsi witwa imbonerakure.

Iyo raporo yibanze ku ikusanya makuru ryabaye hagati ya 2011 na 2012 , iha ibiganiro abahohotewe , imiryango yabo hamwe n’abatanga buhamya bari bahibereye, cyane cyane ku bwicanyi bwa bereye mu mujyi wo mu Gatumba, aho abantu bagera kuri 37 bishwe mu kwa cyenda 2011 .

Iyo raporo itanga ingero zigaragara z’aho abantu batandukanye bagiye baterwa ubwoba , bajya mu bwihisho abandi baricwa bazira ibitekerezo byabo bya politiki . Itanga urugero rumwe ku bavuye ku rugerero witwa  Audace Vianney Habonarugira wishwe mu kwa karindwi 2011. Mbere yuko yicwa, akaba yari yaratanze ubuhamya  buvuga uko yahigwaga na polisi, igisirikare na abashinzwe inzego z’iperereza  .

Yanagaragaje uburyo ubwo bwicanyi bwa nibasiye n’abanyamuryango b’ishyaka riri ku butegetsi bukozwe n’abantu bazwiho kuba baraturukaga mu ishyaka FNL ,itanga urugero rw’abasirikare bato bishwe hamwe n’umukobwa muto bari kumwe mu kabari aribo Pascal Ngendakumana na Albert Ntiranyibagira .

Nubwo leta y’Uburundi yanakomeje gutesha agaciro ubwo bwicanyi ikavuga ko  bwako rwaga n’amabandi yitwaje intwaro ari nako ivuga ko Uburundi bufite umutekano usesuye ariko  ubwicanyi ndenga kamere hamwe n’umutekano mucye byaje kujya ahagaragara  mu kwa karindwi bishira mu kwa cyenda, aho ubwicanyi bwo mu Gatumba bwatumye leta itagishoboye kubuhishira  .
Igitangaje nk’aho leta yagakoze iperereza ikanashyikiriza abakoze ubwo bwicanyi cyane ko habaga hari ababashinja, ahubwo leta yabakingiye  ikibaba bakaba bakiri hanze bidegembya.

Yatanze urugero rw’ubwicanyi bwabereye mu Gatumba aho  urubanza rwaho  rwiganjemo gukoresha  amananiza hamwe no kudakoresha ukuri, aho abacamanza batigeze baha agaciro k’ubuhamya  bw’aho abaregwaga  bagiye bakorerwa iyicwa rubozo  . Urukiko rukaba rwarananiwe guhamagaza bamwe mu bashinzwe inzego z’iperereza bashijwaga n’abaregwa kuba baragize uruhare muri icyo gikorwa cy’ubwicanyi ndegakamere , iryo nanirwa ry’urukiko guhamagaza abashinzwe umutekano baregwaga kugira ngo baze bagire icyo babivugaho, bikaba byaratumye abunganizi ba baregwa bagera kuri 21 bikura mu rubanza rutarangiye , ikatwa ry’urubanza rikaba ryarabaye mu minsi ishize .

Raporo y’aka nama k’igihugu gashinzwe gukora iperereza ku bwicanyi bwa bereye mu Gatumba ikaba yararangiye gutangwa mu kwa cumi  ariko kugeza  magingo aya ikaba itarashyirwa ahagaragara.
Bekele yavuze ati: “nk’aho bakurikiranywe , ubucamanza bwiregagije ibimenyetso bikomeye bituma iryo kurikiranwa n’ikatwa ry’urubanza  rita agacyiro ku buryo abaturage  basigaye bafite ingingimira bumvako nta butabera bwatanzwe “.

Human Rights Watch ikaba yaratangaje ko kuba ubutabera bw’Uburundi bwarananiwe gukurikirana hamwe no gukora iperereza risesuye  ku baregwaga muri urwo rubanza , byatumye ubutabera buterwa icyizere , binatuma abakikacumu hamwe n’imiryango yabo barushaho guhahamuka bikomeye. Abakitse ku icumu ry’ubwo  bwicanyi batangarije Ruman Rights Watch muri aya magambo “Iteka leta ivuga ko iza kora iperereza kuri ubwo bwicanyi ariko ntigire icyo ibikoraho , turabimenyereye”.
Kuba abaturage barataye icyizere ku nzego za polisi hamwe n’ubutabera bishobora kuzatuma haba ingaruka zikomeye mw’ikorwa ry’iperereza igihe izo nzego zizaba zibikeneye , cyane ko abaturage baba bumva ko itangwa ry’ayo makuru nacyo rimaze ”.

Human Rights Watch ikaba yaranenze uburyo leta ikomeje guhohotera no gutera ubwoba abanyamakuru hamwe n’abagize sosiyete sivile mu gihe bagerageje kugira icyo batangaza kuri ubwo bwicanyi ,ibarega ko babogamira ku ruhande rw’abatavuga rumwe nayo , itanga urugero rwa Bob Rugurika umuyobozi wa Radio RPA (Radio Publique Africaine) wahamagajwe inshuro  zigera ku munani n’ubushinjacyaha hagati y’ukwezi kwa karindwi n’ukwa cumi na kumwe bumubaza kuri gahunda za Radiyo abereye umuyobozi . Izo nzego zikaba zaraje kumurega ko  atangaza amakuru yuzuye  amacakubiri akanangisha leta abaturage ariko akaba atarigeze akurikiranwa n’amategeko. .

Nyuma y’aho Pierre-Claver Mbonimpa Perezida w’umuryango uharanira uburenganzira bw’ikiremwa muntu mu Burundi APRODH mu magambo ahinye  anengeye ubutegetsi ko bushaka kwikiza abatavuga rumwe nabwo  , yaje guterwa ubwoba na Minisitiri ushinzwe umutekano mu kwezi kwa kabiri ubwo yamwandikaraga urwandiko amurega gukwira kwiza ibihuha bigamije kwangisha leta abaturage hamwe no gutesha umutwe inzego z’igihugu, anamutera ubwoba ko agiye gufunga uwo muryango we. 

Bekele akaba yaragize icyo abivugaho muri aya magambo: “Itangazamakuru kimwe na sosiyete sivile bafite uburenganzira bwo gutangaza mu bwisanzure ku bikorwa by’ubwicanyi nk’ibyo.  Akenshi usanga leta aho kureba uburyo yakumira cyangwa igashyikiriza abakoze ubwo bwicanyi  ubutabera, ahubwo  yibanda mu kwibasira abaharanira uburenganzira bw’ikiremwamuntu hamwe n’itangazamakuru baba bamagana ubwo bwicanyi ” .

Umuryango Human Rights Watch ukaba waraboneyeho umwanya wo kugaragaza ko ibibazo by’umutekano mucye bya gabanutse mu Burundi ,n’umubare wa abicwa bazira politiki ukaba waragabanutse .

Uhagarariye Ruman Rights muri Afurika Bekele akaba yarasoje asaba leta y’Uburundi gucyemura burundu ibibazo byateye ako kaduruvayo  kabaye muri 2011 kandi igashaka  umuti wa kumira ubwo bwicanyi kugirango bwe kuzongera kuba.
Gasasira, Sweden

Daniel Bekele, Umuyobozi wa Human rights Watch ushinzwe Afurika .

Mu itangazo ryasohowe ejo  n’Umuryango uharanira uburenganzira bw’ikiremwa muntu Human Rights Watch, wamaganye  igifungo cy’imyaka ine Urukiko rw’Ikirenga rw’u Rwanda rwakatiye umunyapolitiki Ntaganda Bernard . 

Human Rights Watch yaravuze gize it: “ Kuba urukiko rw’Ikirenga rwakatiye umwe mu batavuga rumwe n’ubutegetsi bw’u Rwanda Ntaganda Bernard rugahamya igifungo cyemejwe n’Urukiko Rukuru cy’imyaka ine ,byatumye ubutabera bw’u Rwanda burushaho gutakarizwa ikizere cyane kubari bakibufitiye, mu kuba bwashyigikira ukwishyira no kwizana  kwa buri muntu”.

Ntaganda akaba ari umwe mubanyapolitiki bakunze kunenga ubutegetsi bw’uRwanda  kimwe n’abanyamakuru babiri bakomeje kuborera muri gereza z’urwanda bazira ibitecyerezo byabo. 

Mu ikatwa ry’icyo gihano ku itariki ya 27 Mata 2012 nibwo rw’Ikirenga rwahamije ibyemejwe n’Urukiko Rukuru, rumuhamya icyaha cyo guhungabanya umutekano  hamwe no kubiba amacakubiri . 

Umuyobozi wa Human rights Watch ushinzwe Afurika Daniel Bekele yaravuze ati:  “Urubanza rwa Ntaganda Bernard n’ibirego bihimbano kubera impamvu za politiki , gufunga umunyapolitiki utavuga rumwe n’ubutegetsi azira kunenga gusa gahunda za leta nta mwanya bigifite mu bihugu bigendera ku mahame ya Demokrasi”. 

Human Rights Watch ikaba yarakunze kunenga  ibirengo nk’ibyo by’ibihimbano byo guhungabanya umutekano n’itunze rusange rya rubanda  byakunze kuregwa abanenga ubutegetsi bw’u Rwanda. Ntaganda Bernard akaba ari umwe  muri abo barezwe ibyo birego bihimbano hiyongereyeho n’icyo ugutegura imyigaragabyo atabiherewe uruhushya, akaba yaraje gutabwa muri yombi kuya 24/06/2010 anacibwa amande, ibi bikaba byarabaye  muri ya  nkubiri leta y’u Rwanda yakoreraga abatavuga rumwe n’ubutegetsi  hamwe n’abanyamakuru ibikiza  kugira ngo be kugira uruhare mu matora y’umukuru w’igihugu yabaye mu kwezi kwa munani 2010 .  
 
Iri katirwa  rye rikaba ryarabaye na none nyuma y’ibyumweru bitatu ubucamanza bw’u Rwanda bukatiye abanyamakuru Agnes Nkusi Uwimana hamwe na Saidati Mukakibibi ku ya 5 Mata 2012 bazira inyandiko zabo basohoye banenga ubutegetsi aho umwe muri bo yahawe igifungo cy’imyaka ine undi ahabwa icy’imyaka itatu,abo bagore babiri bakaba barahamijwe n’ibyaha byo guhugabanya umutekano w’igihugu , Uwimana ahamwa n’ikindi cyo gusebanya, ahanagurwaho icyaha cya amacakubiri no guhakana Jenoside  . Iri katirwa rikaba ryarabangirije irindi ryabaye ku ya 11/02/ 2011 ubwo umwe yakatirwaga n’Urukiko Rukuru igifungo cy’imyaka cumi n’irindwi  undi akatirwa imyaka irindwi.  

Daniel Bekele yaravuze ati: “Niba urukiko rw’Ikirenga rwari rushishikajwe no kurinda ukwishyira no kwizana kwa buri muntu, rwagakoresheje itegeko mu kurenganura abo banyamakuru babagore hamwe na Ntaganda Bernard. Igabanyirizwa ryabo banyamakuru rishobora kuba nk ‘inyoroshya cyaha ,ariko mu by’ukuri nibakagobye kuba bakiri muri gereza bazira amaherere” .
 
Human Rights ivuga ko nubwo leta y’u Rwanda ivugako irimo kuvugurura itegeko ry’itangazamakuru , bamwe mu baterankunga bakaba barihutiye kubishima, ariko ukuri ni uko  uburenganzira bw’itangazamakuru ryigenga hamwe n’irikora iperereza budahari mu Rwanda mu gihe abanyamakuru nk’abo b’abagore bakiborera  mu magereza y’u Rwanda bazira ibitekerezo byabo . 

Daniel Bekele akaba yaraboneyeho umwanya wo gusaba leta y’u Rwanda gukura ibyaha bikorewe mu itangazamakuru mu byaha mpanabyaha by’u Rwanda. 
 

Amateka n’ibigwi byaranze  leta ya Kagame 

Kwishyira no kwizana kwa buri muntu kwaranizwe nyuma y’imyaka ibiri Perezida Kagame yongeye gutorerwa kuyobora na amajwi 93% , nta shyaka na rimwe ryigenga rikibarizwa mu gihugu .

PS Imberakuri yaciwe imbaraga nyuma y’ifungwa rya Ntaganda Bernard . Ishyaka riri ku butegtsi FPR ryinjiye ishaka rye rikoresheje bamwe mu banyamuryango be batavugaga rumwe nawe bityo baba bariciye intege , bamusimbuza abandi . Kugeza magingo aya nta rimwe rirongera kumvikana rinenga gahunda za leta  zitagenda neza. 

Bamwe mu banyamuryango b’ishyaka rye basigaye ari abizerwa baterwa ubwoba na leta abandi barafungwa . Sylver Mwizerwa na  Donatien Mukeshimana bafunzwe mu kwa munani 2011 baregwa kwinjira mu biro byaho bakodeshaga batabiherewe uruhushya na nyiri nzu. Umwe yakatiwe igifungo cy’imyaka itatu undi ibiri baregwa icyaha cy’iterabwoba no kwangiza ibya rubanda . 

Ishyaka ry’umunyapolitiki Ingabire Victoire ryaciwe intege  kuva aho afungiwe mu kwezi kwa cumi 2010 aregwa ibyaha bigera kuri bitandatu harimo icyaha cy’iterabwoba , gukorana n’imitwe yitwaje imbunda muri Kongo  , ingengabitecyerezo hamwe na  amacakubiri . 

Urubanza rwe rwatangiye mu kwa cyenda 2011 ryaranzwe n’amananiza aho yagezaho atangaza ko agiye kwikura  mu rubanza kuya 16 Mata 2012 nyuma yaho umwe mu batanga buhamya wari wazanywe n’ubushinjacyaha atangirije ko yatewe ubwoba n’ubwo bushinjacyaha kugira ngo ashinje  Madame Ingabire  . 
Umutangabuhamya yatesheje agaciro ibirego bihimbano by’abareganwaga na Madame Ingabire Victoire avuga ko ibyo yavuze aribyo yahatiwe kumushinja  .
 
Ku mabwiriza y’ubushinja cyaha umwe mu bamushinjuraga  ibyo birego bihimbano yatewe ubwoba asakwa n’inzego za gereza zimutwara impapuro zose harimo n’ibyo yategura kuza kwiregura mu rubanza.Igitangaje ni ukwo ubushinja cyaha bwaje kwita hanze nyuma yaho bugaragarije zimwe mu nyandiko z’uwaregaga Ingabire Victoire bwari bumaze kumwambura muri gereza . 

Akandi gashya katasanzwe muri urwo rubanza ni uko umutangabuhamya washinjuye  Ingabire yaje guterwa ubwoba n’inzego za gereza nta mwunganizi afite kandi zitabifitiye ububasha . 
  
Mu kwezi kwa kane 2011 abanyamuryango ba FDU Inkingi aribo Anastase Hagabimana na  Norbert Manirafasha baje gufungwa bazira inyandiko bari basohoye banenga izamuka ry’ibicyiro kwisoko aho Minirafasha  yajye gufunga amezi ane Habimana  afungwa  ibyumweru bibiri  mbere yukwo barekurwa . 

Ishyaka ryagatatu riharanira ibidukikijye na Demokrasi  mu Rwanda “Green party of Rwanda” ryaje guhagarara burundu nyuma y’iyicwa rya Visi Perezida waryo wishwe mu kwa karindwi 2010 . Ukwezi kumwe nyuma y’urupfu rwe uwari Perezida we yaje guhunga akaba na nubu agiheze mu buhungiro . 

Imikorere y’itangazamakuru mu Rwanda nayo iteye inkeke cyane nyuma y’ifungwa n’ibinyamakuru byari bizwi cyane mu Rwanda aribyo Umuseso n’umuvugizi , bakaza kwogera kwica uwari umwanyamakuru w’umuvugizi Jean Leonard Rugambage , abandi banyamakuru bakaza guhunga igihugu cyabo . Abasigaye nabo bakaba baracecetse abandi bahitamo gutangaza   inkuru zitanenga ubutegetsi kugira ngo be kugira ibibazo bahura nabyo nk’ibya bagenzi babo babanjirije . 

Human Rights watch ikaba yarasoje yamagana uburyo bantu batazwi cyane bahaniwe kunenga gahunda za leta, itanga urugero rwa Padiri Abbé Emille Nsengiyumva waje gukatirwa amezi cumi n’umunani nyuma yo guhamwa n’icyaha cyo guhungabanya umutekano w’igihugu hamwe no kugumura abaturage . Ibi bikaba byarabaye nyuma yaho anengeye gahunda za leta zo guca  nyakatsi hamwe no kuringaniza ibyaro . 

Gasasira , Sweden 

Leta y'uRwanda ikomeje kuniga Itangazamakuru

 “Igabanywa ry’igifungo ni amakuru ashimishije cyane ku gifungo cy’imyaka nkiriya bari bakatiwe mbere, ariko mu by’ukuri iri katwa ry’igifungo siryo twari dutegereje” nk’uko byatangajwe na Reporters without borders.

Yakomeje ivuga ngo “ Kuva aba banyamakuru b’abagore bafungwa twakomeje gusaba leta y’u Rwanda kubafungura amazi atararenga inkombe, cyane nk’umunyamakuru Agnes Uwimana wahawe igifungo nka kiriya cyo ukuguma muri gereza kandi ubuzima bwe buhangayikishije cyane”

Yanadutangarije ko nubwo leta y’u Rwanda ivuga ko irimo kuvurura itegeko ry’itangamakuru rikaba rigeze mu Nteko Ishingamategeko ariko ukuri ni uko bidateze kugira icyo bihundura ku mikorere y’itangazamakuru mu gihe abanyamakuru bakomeje kumarirwa muri gereza kandi mu buryo budasobanutse bazira ibitekerezo byabo.

Nkusi Uwimana akaba yagabanyirijwe igahano kikava ku myaka cumi n’irindwi bamuha itatu, naho mugenzi we Saidati Mukakibibi akaba nawe yagabanyirijwe igihano kuva ku myaka irindwi kugeza kuri itatu, bose baregwa guhungabanga umutekano w’igihugu.

Ibi bikaba bibaye mu gihe u Rwanda ruza ku mwanya wi 159 ku bihugu 179 mu kuniga itangazamakuru ku isi nk’uko Umuryango uharanira uburenganzira bw’itangazamakuru Reporters without borders wabitangaje .
Johnson , Europe .