Afurika y’epfo gushyikiriza abahungu ba Gen Nziza na Gen Kagame Urukiko .

Ese naba "master planner" nabo bazashyikirizwa Ubutabera?

Amakuru  ikinyamakuru Umuvugizi gikura  ahantu hizewe, aremeza ko ubushinjacyaha bw’ Afurika y’epfo, buzashyikiriza abahungu ba Gen Jack Nziza na afande we Gen  Kagame Paul,  kuya 27 /07/2011, urukiko.  Burabarega gushaka guhotora Gen Kayumba.
Itsinda ry’ insoresore zabo mwakunze kwiyumvira  mu minsi ishize, rigera kuri batanu, batawe muri yombi n’ubushinjacyaha bw’icyo gihugu. Bamaze guhatwa ibibazo n’inzego z’umutekano zaho.   Bagomba gushyikirizwa urukiko rw’aho kugira ngo basobanure neza imigambi mibisha biyemeje,  hamwe n’uwabatumye kujya guhotora Gen Kayumba . Clip66 bashyize afande mu bibazo000 by umuvugizi

Inzego z’umutekano zikaba zaratahuye abo basore uko bagera kuri batanu, batarashyira mu bikorwa uwo mugambi wo kumwivugana, kubera itumanaho bakoreshaga mu gihe baciririkanyaga na Gen Jack Nziza, igiciro cyo guhotora Gen Kayumba aho yari arwariye mu bitaro.
Nk’uko mubyiyumvira ku majwi ari k’umugereka w’iyi nkuru, umwe mu bahungu ba Gen Jack Nziza, yahise atabwa muri yombi.  Byatumye  ata umutwe, aribwo yashakaga indi nomero ya Telefoni yo mu bindi bihugu bituranye n’uRwanda kimwe na Mugenzi we Col Dan Munyuza.  Nizo  bakoreshaga muri iyo migambi ariko bibagirwa ko igihugu cy’ Afurika y’epfo, cyari cyimaze kurakara kandi kiryamiye amajanja. Ndetse  n’imirongo y’itumanaho ry’ibihugu by’abaturanyi bakoreshaga, nabo ntibari  bishimiye ibyo inzego za Kagame zari zimaze gukora.  Byatumye bagwa mu  mutego, wabashibukanye .

Kugeza ubu Inzego za Afurika yo hepfo zikaba zinashyakisha umwe mu nsoresore za Gen Jack Nziza witwa Emely Gasana  yanakunze gukoresha mu gusenya Col Karemera Joseph akiri Ambasaderi w’uRwanda muri icyo Gihugu doreko ariwe wamutwaraga akiri Ambasaderi ,Gen Nziza akaba yarashoboye kumukikisha nyuma y’iraswa rya Gen Kayumba kuberako ari mu bantu bapanze  akanagirwa umuyoboro w’ugutanga amafaranga ku bagombaga kumena amaraso ya Gen Kayumba.

Abantu bose bibaza niba  inkiko za leta y’Afurika y’epfo, zizatinyuka guhamagaza ba maneko ba Kagame, hamwe na nyir’ ubwite . Nk’uko muri bubyiyumvire mu majwi ari k’umugereka w’iyi nkuru, Gen Jack Nziza yakanguriraga umwe muri abo basore  mu gihe baciririkanyaga igiciro, hamwe n’uburyo ako kayabo kabageraho kugirango bajye Kwica.  Amubwira ko niba  akunda afande we Kagame, agomba kujya guhotora Gen Kayumba mu bitaro vuba na bwangu mu gihe kitarenze iminsi itanu . Patriotism by umuvugizi

Nk’uko Gen Jack abyivugira,  yari yabuze amahoro kubera ko  bamwe muri abo  basore bazashyikirizwa urukiko ejo bundi, bari bamaze gutabwa muri yombi kandi batanarangiza mission bari bahawe yo kujya guhotora umurwayi mu bitaro . Urwo rubanza rukaba ruje rukurikira urw’ejo bundi rugizwe na none n’ abasore bagera kuri batandatu, nabo bafunzwe bazira kurasa Gen Kayumba, ruzasubukurwa  kuri 24 /10/2011.
Johnson, Europe