Nyuma y’ihambirizwa rya Evode Mudaheranwa indi maneko ya Kagame yatawe muri yombi muri Suwede

Amakuru agera ku kinyamakuru Umuvugizi aturuka ahantu hizewe, yemeza ko nyuma y’ihambirizwa rya maneko wa Kagame ariwe Evode Mudaheranwa wakoreraga muri ambasade y’u Rwanda muri Suwede azira kuneka hamwe no gutoteza impunzi, akaba yarahawe amasaha macye kugirango ave ku butaka bwa Suwede Icyo gihe, undi  maneko mugenzi we yaraye atawe muri yombi n’inzego z’umutekano za Suwede azira kuneka Igihugu cyamuhaye ubuhungiro “Suwede” .

Uwo ni maneko wiyitaga Umurundi akaba azwi kwizina rya Habiyambere Emmanuel muri Suwede, ariko mu by’ukuri mu Rwanda akaba azwi ku izina   Rubagenga Emmanuel Akaba yaraye atawe muri yombi azira guhungabanya umutekano w’impunzi hamwe no kugambanira igihugu cyamuhaye ubuhungiro aho yajyaga yirirwa aneka impunzi ziba muri Suwede ari na ko ajyana ama raporo mu Rwanda .

Andi makuru atugeraho akaba yemezako Uburundi bwahise bumwamaganira kure buvuga ko butamuzi nk’umurundi, kandi n’impunzi z’Abanyarwanda ziba muri Suwede zikaba zibihamya ko ari Umunyarwanda   wirirwaga abahigisha uruhindu kubera kutavuga rumwe na leta ya Kagame  .
Gasasira , Suwede