Leta ya Sudan Ikomeje gutoteza abanyamakuru .

Leta ya perezida Omar Hassan al- Bashir ikomeje gutoteza abanyamakuru ibaziza ko banze gukorana nayo . Ni muri urwo rwego iherutse guta muri yombi umunyamakuru Faisal Mohammed Salih , imufunga igifungo kigera ku minsi itandatu ataburanye, imuzizako yanze gukorana n’inzego za leta y’umunyagitugu Omar Hassan wa Sudan .
 
Nk´uko biri mu gitabo mpanabyaha cya Sudan, mu itegeko nomero 94 , ahanishwa igifungo cy´ukwezi kumwe n’amande menshi  umunyamakuru uba wanze gukorana na leta .
 
 Umuryango Reporters Without Borders ukaba waratangarije abanyamakuru ko leta ya Sudan yari ikwiriye gusaba uyu munyamakuru imbabazi kubera uburyo akomeje gutotezwa hamwe no gutwererwa ibyaha na leta ya Sudan. Uwo muryango wavuze muri aya magambo “Turasaba ko leta ya Sudan ikuraho ibyaha uwo munyamakuru aregwa, ikanamureka agakomeza gukora akazi ke mu bwisanzure, nta hohoterwa ribayemo ”
 
Yatawe muri yombi tariki 09/05/2012  azira  kunenga inzego zishinzwe umutekano za Khartoum(National Intelligence and Security Services) , mu kiganiro yatanze ku itariki ya 24 /04/2012 kuri Al-Jazeera anenga ubutegetsi bwa perezida Omar Hassan al-Bashir. 
 
Gasasira , Sweden