Maneko za Kagame mu gukoresha itangazamakuru mu gusenya abatavuga rumwe na Leta

Itohoza ryakozwe n’Umuvugizi ryemeza ko maneko za Kagame, zibihawemo umugisha na perezida Kagame ubwe, zahimbye urundi rubuga rwa internet zitukaniraho nk’abashumba, zituka buri wese utavuga rumwe n’ubutegetsi bwa Kagame.

Ibyo bikaba byarakozwe n’urwego rw’ubutasi rwa NSS, ruyobowe na Gen Karenzi Karake, akaba ari na we wategetse ko hakoreshwa «server» y’ikinyamakuru cyitwa «The Newtimes.co.rw». Urwo rubuga rwiyita “The exposure” rukaba rwarashyizweho mu gushimisha perezida Kagame, rutuka bamwe mu batavuga rumwe na we. Abaza kw’isonga mu kwibasirwa, bakaba ari Dr Himbara David , Dr Rudasingwa Theogene, umunyemari Rujugiro Ayabatwa Tribert, Gahima Gerald, hamwe n’abandi batavuga rumwe na Kagame.

Andi makuru tubona akaba yemeza ko Gen Jack Nziza ari muri bamwe bahawe amabwiriza yo guhemba abo bakozi b’urwo rubuga rutukana, amafaranga rukoresha akaba ava muri budget ya Minadef hamwe no mu rwego rw’ubutasi rwa NSS. Izo nzego zikaba zitanga akayabo katabarika kugirango abamotsi ba Kagame bajye birirwa bandangaza abo banyacyubahiro, babaziza gusa ko batavuga rumwe n’ubutegetsi bwa Kagame.

Gasasira, Sweden.
editor@umuvugizi.com