Ubudage na bwo bwahagaritse inkunga bwageneraga u Rwanda

Amakuru agera ku Umuvugizi yemeza ko Leta y’Ubudage yahagaritse inkunga yageneraga u Rwanda, inkunga ihwanye n’akayabo k’ama euro miliyoni 21. Icyo gihano Leta y’Ubudage yafatiye u Rwanda kikaba kizakomeza kugeza muri 2015. Ibi bikaba bivuze ko Leta ya Kagame nta euro na rimwe izongera kubona kuri Leta y’Ubudage kugeza mu mwaka wa 2015. 

Minisitiri w’Iterambere w’Ubudage, Dirk Niebel, yatangaje ko nta mikoranire myiza ikirangwa hagati y’u Rwanda n’Ubudage, bityo akaba nta mpamvu bakomeza gufasha igihugu gifasha umutwe wa M23, ukomeje kujujubya igihugu n’abaturage ba Kongo.

Yongeyeho ko u Rwanda rugomba kuzagaragaza neza ko rutagifasha inyeshyamba za M23 kugirango ruzongere guhabwa inkunga rwagenerwaga n’igihugu cy’Ubudage. 

Gasasira, Sweden.