Ambasade y’u Rwanda mu Bwongereza ikomeje guhatira Abanyarwanda bahatuye gutanga umusanzu mu cyiswe «Agaciro Development Fund»
Ambasaderi Rwamucyo Ernest
Abaza kw’isonga mu gukoresha aya manama ni maneko Jimmy Uwizeye, David Ruvubi, hamwe na ambasaderi Rwamucyo Ernest ubwe. Bagenda bakoresha amanama hirya no hino mu banyarwanda batuye mu Bwongereza, babahatira gutanga amafaranga yo gushyira mu kigega kitiriwe ukwihesha agaciro, ikigega cyashyizweho na Leta ya Kigali nyuma y’uko ibihugu bitandukanye byo ku isi bihagarikiye inkunga u Rwanda kubera gushyiraho no gufasha umutwe w’inyeshyamba wa M23, ubu urimo gushoza intambara muri Kongo-Kinshasa.
Amakuru atugeraho yemeza ko abanyarwanda babarizwa hirya no hino mu Bwongereza bagiye batumwaho, bagahatirwa gutanga ako kayabo, abanze kugira icyo batanga bagafatwa nk’abanzi b’igihugu.
Umwe mu bavuganye n’Umuvugizi, yagize ati “Baduhatiye gutanga ayo mafaranga ngo agomba kujya muri icyo kigega, kuri compte yacyo numero 91531948, ibarizwa kuri address ya HSBC Bank, 18A Curzon Street, Mayfair London, W1J 7LA, United Kingdom, abatazatanga ayo mafaranga tukazafatwa nk’abanzi b’igihugu”.
Mu gihe ambasade y’u Rwanda mu Bwongereza ikomeje guhatira abanyarwanda gutanga amafaranga kuri iyo compte, abagera kuri 98% y’abagomba kuyatanga, ni abanyarwanda bageze mu Bwongereza bavuga ko bahunze Leta ya Kagame. Ikibabaje muri ibi byose, bikaba ari uko n’aho abo banyarwanda bahungiye iyo Leta, yabasanze yo, ikaba ikomeje no kubashyiraho agahato ko kuyisorera mu bintu bidasobanutse.
Gasasira, Sweden.
Turabashimiye kutugezaho iyi nkuru. Ndagirango nanjye njyire icyo nibutsa abanyarwanda bagezi banjye bashoboye kugera hanze. Ndagirango mbabaze impuhwe cyangwa urukundo Kagame abafitiye ubu cyangwa yaba yarigeze kubagirira.
Reka mbibutse gato muribuka mubonye viza ukuntu mwamenenganaga mugerageza kuyobya uburari mukanyura mubingu nduturanye mwatinye kunyura ikanombe kucyibuga cyacu? Aka kanya mubyibagiwe mute? Abandi bambuwe passport kucyibuga bagafungwa bikabaviramo gupfa murabibagiwe? Hari nabandi bagaruriye munzira bageze muri za kenya. barafungwa abandi barapfa. Ese ko Reta Yakagame yerizi ko mwishakiraga kunjya gushaka imibereho yaba yaribagiwe ibyo yabakoreye cyangwa ibyo ikora akakanya mugacyenerwa gutanga umusanzu? Yo nunva ngo hara abantu babirukamo babasaba gukunda igihungu nkaho harufite igipimo cyogukunda igihugu kurusha abandi biranyobera. Ese mwe mubyacyira mute?
Njye nunva mwakeretse Kagame ko namuntu wigira mukanababwiza ukuri kuko ntabwo yabirotaga. kagame azi kuba ari perezida ntacindi cyiba gikenewe , ahubwo abaturage abatwara nkibitugwa. Numumwemerera nakazi kanyu. icyi nigihe cye cyokwibaza agahitamo ibikorwa bye. Yenda twabona agahege. Yenda ibirundo bya zahabu byagabanuka agahokwa. Akavuga nkabantu.
Murakoze.