Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Gen Kayumba Nyamwasa arahamagarira abasirikare bakuru b’ingabo z’u Rwanda kwitandukanya n’intambara ya M23

Gen. Faustin Kayumba Nyamwasa arahamagarira abasirikare bakuru ba RDF kwitandukanya na Kagame mu ntambara ya M23.

Mu kiganiro Umuvugizi.com wagiranye n’uwahoze ari Umugaba mukuru w’ingabo z’u Rwanda, akanayobora inzego z’ubutasi, Gen Kayumba Nyamwasa, ubu akaba abarizwa mu buhungiro muri Afurika y’epfo, yahamagariye abasirikare bakuru b’ingabo z’u Rwanda (RDF), kwirinda kugwa mu mutego wa Perezida Kagame, ukomeje gushoza intambara mu gihugu cy’abaturanyi cya Kongo, dore ko biba biri mu nyugu ze gusa kurusha iza rubanda, kandi ingaruka zikaba ari aba basirikare zigeraho gusa, dore ko we aba yigaramiye kubera ibyitwa ubudahangarwa afite”.

Aya magambo ni ayatangajwe na Gen Kayumba Nyamwasa, ubwo twamubazaga icyo atekereza kuri iriya ntambara irimo kubera muri Kongo, agasubiza ko nta gihe izo ntambara perezida Kagame atazishoje, akenshi ngo akaba yarazishozaga agamije kugira ijambo mu mahanga ku gihugu cya Kongo, dore ko yigize umuvugizi w’iki gihugu kurusha kuba uw’u Rwanda abereye umuyobozi.

Ikindi Gen Kayumba Nyamwasa yadutangarije nuko ngo izi ntambara za M23 perezida Kagame akomeje gushoramo abana b’abanyarwanda, nta kindi zigamije uretse kumufasha kugirango abo basirikare ba M23 babe umuyoboro we wo kwiba umutungo kamere wa Kongo.

Gen Kayumba yatanze ingero ku basirikare ba RDF, nka ba Gen James Kabarebe, Lt Gen Kayonga Charles, Brig Gen Jack Nziza, na Brig Gen Ruvusha Emmanuel, barimo kuyobora intambara irimo kubera muri Kongo, uburyo Akanama ka Loni gashinzwe kwiga ku kibazo cya Kongo na Sena ya Leta Zunze Ubumwe za Amerika, biherutse gusabira ibihano aba basirikare bakuru n’imiryango yabo, mu gihe perezida Kagame n’umugore we Jeannette Kagame, bo bigaramiye, ku buryo ibyo bihano abasirikare bakuru ba RDF n’abanyapolitiki bashowe muri iyo ntambara ya M23 bazafatirwa, ibihano birimo gufatira imitungo yabo, kubabuza kujya mu ngendo hirya no hino mu bihugu by’Uburayi na Amerika, ndetse na Canada, n’ibindi bihano bijyanye na byo, ari bo bizasiga iheruheru, mu gihe perezida Kagame wabibashoyemo, we azaba yigaramiye.

Kuri Gen Kayumba Nyamwasa, ngo Gen Charles Kayonga ni igisambo n’ikigoryi, ku buryo ibirimo kuba ntacyo bimubwira na gato; ngo abababaje ni abandi basirikare bakuru barangajwe imbere na Gen James Kabarebe, bakomeje kuyoborwa buhumyi cyangwa butama, bakiyibagiza ko amahanga yatahuye ikinyoma cya Leta yabo, aya mahanga akaba yaranamaze kumenya ko ibyo babeshyaga cyangwa babapfunyikiraga ngo ni demokarasi, yamaze kubitahura; aya mahanga akaba azi neza ko ingoma ya Kagame ari ingoma y’igitugu n’ubwicanyi, ndetse n’ubusahuzi ndengakamere.

Gasasira, Sweden.

You must be logged in to post a comment Login